Австрискиот тенисер Доминик Тим го победи Рафаел Надал во меч од второто коло на завршниот Мастерс во Лондон. Двата сета беа решени во тај-брејк, а Тим потврди дека може да ги победува и најдобрите.
Во првиот сет двајцата тенисери беа сигурни на свој сервис и по 6:6, мораше да се игра тај-брејк. Надал водеше со 5:2 во тај-брејкот, но Тим не се предаде. Стигна до 5:5, а потоа Надал поведе со 6:5 и имаше сет-топка што не ја искористи. Австриецот на крајот успеа да го добие првиот сет со 9:7 во поени.
Во вториот сет повторно беше неизвесно, а Надал прв направи брејк за водство од 4:3 и беше на сервис. Сепак, Тим брзо возврати со тај-брејк. Австриецот водеше со 5:4 во гејмови и имаше дури три меч-топки за 6:4, но Надал спасуваше. На крајот повторно беше 6:6 и мораше да се игра нов тај-брејк, а Тим повторно беше подобар, овојпат со 7:4.
По второто коло од групната фаза, Тим е лидер со две победи, а Надал сега има еден триумф и еден пораз. Во вториот меч од оваа група вечерва играат Циципас и Рублев.
