Оклахома Сити тандерс славеше на гостувањето кај Бруклин нетс со 114:112, иако по три четвртини игра губеше со 18 поени разлика, а во еден момент домашните имаа предност и од 23 поени. Човекот за пресврт беше Пол Џорџ, кој уфрли 47 поени, еден помалку од неговиот личен рекорд, дури во последната четвртина.
Сензационалната игра на Џорџ во последните 12 минути беше комплетирана со тројка за водство и победа на 3,1 секунди до крајот. Тандерс имаат четири победи по ред, но оваа беше историска, бидејќи е направна со најголем пресврт во постоењето на клубот.
„Чувствував дека ми оди шутот и го искористив тоа. Момците ми додаваа и ми викаа да продолжам да шутирам“, рече Џорџ.
Придонес даде и Расел Вестбрук, кој го направи 108-миот трипл-дабл во кариерата, со што го надмина Џејсон Кид на третото место на вечната листа.
Погледнете ги поените на Џорџ во последната четвртина:
Paul George (47 PTS) catches fire and pours in 25 4th quarter PTS to lead the @okcthunder comeback! #ThunderUp pic.twitter.com/DdXA3Sb8SE
— NBA (@NBA) December 6, 2018
Резултати НБА:
Кливленд кавалирс – Голден стејт вориорс 105:129
Орладно меџик – Деневер нагетс 118:124
Атланта хокс – Вашингтон визардс 117:131
Бруклин нетс – Оклахома сити тандерс 112:114
Мемфис гризлис – ЛА клиперс 96:85
Милвоки бакс – Детроит пистонс 121:104
Њу орлеанс пеликанс – Далас маверикс 132:106
Торонто репторс – Филаделфија севентисиксерс 113:102
ЛА лејкерс – Сан Антонио спарс 121:113
