Уште на вториот ден од Светското ракометно првенство во Египет се случи едно мало чудо. Алжир го победи големиот африкански ривал Мароко со 24:23, во еден неверојатен меч. Алжир поведе со 1:0, а потоа Мароко со серија од 3:0 го презеде водството за 3:1.
До крајот на првото полувреме, Мароко играше одлично и само ја зголемуваше предноста, па по 30 минути, водеа со 15:8. И по 15-тина минути во вториот дел Мароко го контролираше резултатот и водеше со 15:10, а потоа и со 22:18. Тогаш започнува чудото на Алжир, кој најпрво намалува на 21:22, што е најава за неверојатна завршница.
Мароко водеше со 23:22 и имаше напад на помалку од 100 секунди до крајот, а селекторот реши да игра со „празна мрежа“, односно место голман, да додаде уште еден ракометар во нападот. Тоа се покажа како кобно затоа што Мароко згреши, а Алжир даде лесен гол на празна мрежа.
Во последниот напад Мароко повторно сакаше да ја проба истата тактика, а и епилогот беше ист. Наместо Мароко да даде гол, ракометарите ја загубија топката, а Алжирците постигнаа погодок за победа и комплетирање на чудото во второто полувреме.
Инаку на теренот се водеше вистинска војна, а Мароканците заработија дури три црвени картони.
Algeria 🇩🇿 come back from a 7-goal deficit to defeat rivals Morocco 🇲🇦 24:23 in a thrilling match! Review 👉 https://t.co/fdHYZHDrR1#Egypt2021 pic.twitter.com/Seyq6dOxKc
— International Handball Federation (@ihf_info) January 14, 2021
