Една од најневеројатните борби во светот на ММА се случи токму на 25 години од прославата на овој спорт. На рингот во Денвер беа Сунг Јунг, познат како Корејски зомби, и Мексиканецот Јаир Родригез. За Родригез ова беше враќање во рингот по пауза од една и пол година.
Двајцата борци не сакаа да се предадат и издржаа до последната петта рунда. Кореецот Јунг ја имаше победата во свои раце, бидејќи беше јасно дека води со 4:1 по добиени рунди. Остануваа само уште 10-тина секунди од 25-минутната борба, а Родригез беше немоќен да направи нешто.
Двајцата борци застанаа, си подадоа рака, но тогаш Јунг направи непромислен потег. Наместо да почека да истечат последните секунди, тој реши да го прифати последниот предизвик на противникот и згреши. Мексиканецот во немоќ замавна, а откако не погоди, Корејскиот зомби тргна во напад, но неочекувано доби лакот во лицето и беше нокаутиран на една секунда до крајот на борбата, која требаше да ја добие.
1 second left… No better way to go out on the 25th Anniversary! pic.twitter.com/aGg1Z0bAeO
— FOX Sports: UFC (@UFCONFOX) November 11, 2018
