Кога во 2018 година Челзи објави дека во своите редови го носи голманот Кепа Аризабалага, навивачите на лондонскиот тим веруваа дека ќе го имаат еден од најдобрите. Платен неверојатни 80 милиони евра, Кепа требаше да биде „новиот Петр Чех“, голман кој ќе влева сигурност во одбраната.
Сега, две години по историскиот најскап трансфер на еден голман, фановите на Челзи инсистираат да му го видат грбот на Кепа, и тоа како излегува од „Стемфорд бриџ“. Шпанскиот чувар на мрежата реди разочарувачки игри, прави киксови и прима голови кои најчесто не треба да ги примаат голмани кои вредат приближно на Аризабалага.
Серија киксови имаше Кепа, а направи и еден инцидент кога во финалето на Лига купот во февруари 2019 година одби да излезе од игра за да му го отстапи местото на Вили Кабалјеро да ги брани пеналите. Иако одбрани два пенали и ја донесе титулата во Купот на Челзи, сепак, Шпанецот само го навлече гневот кај фановите.
Следуваа низа лоши одбрани, па на крајот од ланската сезона беше седнат на клупата за резерви. Сега, во првото коло од новата сезона, Челзи победи со 3:1 на гости кај Брајтон, но остана забелешката дека Кепа повторно прими „евтин гол“. Со не многу силен шут, голманот на Челзи беше матиран од над 20 метри.
Од последните 13 удари во рамките на неговиот гол, дури девет ја треселе мрежата, што значи дека има очаен процент од 31 отсто одбранети удари во овој период.
Kepa Arrizabalaga has conceded nine goals from the last 13 shots on target he has faced in the Premier League.
— Richard Jolly (@RichJolly) September 14, 2020
Шутевите од далечина се болна точка за голманот на Челзи, а тоа го потврдува и статистиката. Откако пристигнал на „Стемфорд бриџ“, Кепа примил дури 19 погодоци со удари надвор од шеснаесетникот, што е најлош скор од сите голмани во Премиер лигата.
19 – Since he joined Chelsea in 2018, Kepa Arrizabalaga has conceded more Premier League goals from outside the box (19) than any other goalkeeper. Weakness. pic.twitter.com/3NA1WgpYmC
— OptaJoe (@OptaJoe) September 14, 2020
