Американскиот пливач Мајкл Фелпс, кој е најтрофеен спортист во историјата на Олимписките игри, годинава ќе биде примен во пливачката Куќа на славните во Форт Лодердејл, САД.
Фелпс во трофејната кариера освои 28 медали на Олимписките игри од 2000 до 2016 година, од кои 23 златни, три сребрени и два бронзени.
За време на неверојатната кариера, Фелпс дури 39 пати ги соборуваше светските рекорди.
Michael Phelps leads 2023 International Swimming Hall of Fame class https://t.co/zH4cJYO94w pic.twitter.com/Qa7yHwt5sP
— NBC OlympicTalk (@NBCOlympicTalk) March 14, 2023
Покрај Фелпс, годинава во пливачката Куќа на славните ќе бидат примени и Кирсти Ковентри од Зимбабве, која освои седум медали на Олимписките игри, Јапонецот Косуке Китаџима, кој е четирикратен олимписки шампион, Американката Миси Френклин, која има пет медали од ОИ, и актуелниот светски рекордер на 50 метри слободен стил, Сезар Сиело Филјо од Бразил.
