Португалецот Жорге Жесус и официјално е назначен за нов тренер на саудискиот Ал-Хилал.
Ал-Хилал не е непознаница за Жесус бидејќи веќе седеше на клупата на овој тим, и тоа во сезоната 2018.19. Интересно е што медиумите во Саудиска Арабија до вчера го гледаа Португалецот како нов селектор на репрезентацијата, но тој заврши на клупата на Ал-Хилал.
🔙 Master of Tactic returned 🤩⚽️#AlHilal 💙 pic.twitter.com/bgAqWuejU2
— AlHilal Saudi Club (@Alhilal_EN) July 1, 2023
Жесус во саудискиот тим доаѓа како слободен агент, бидејќи си замина од Фенербахче по завршувањето на сезоната.
Минатата сезона, Ал-Хилал ја заврши на третото место зад шампионот Ал-Итихад и Ал-Наср, а покрај Жесус, тимот летово се засили со Калиду Кулибали кој дојде од Челси и Рубен Невеш кој пристигна од Вулверхемптон.
