Францускиот вицепрвак Ленс успеа да го задржи Кевин Дансо, иако овој фудбалер имаше одлична понуда да направи трансфер во италијанскиот првак Наполи. Дансо игра како централен дефанзивец и е дел од австриската репрезентација, а според последниот договор, ќе остане во Ленс до јуни 2027 година.
Во Наполи очекуваа да го доведат Дансо да биде замена за Ким Мин-Јае, но ситуацијата се изјалови и италијанскиот првак останува без посакуваното засилување.
Дансо имаше блескава сезона во Ленс и беше дел од тимот на сезоната во француското првенство. Ленс заврши на второто место во првенството и на тој начин обеезбеди пласман во групната фаза во Лигата на шампионите.
Од Ленс преку интересно видео се пофалија со новиот договор на Дансо и го „пецнаа“ Наполи покажувајќи му дека италијанскиот првак добил „корпа“.
Quand on a déjà trouvé chaussure à son pied… 👢 pic.twitter.com/0UcyOpWCzH
— Racing Club de Lens (@RCLens) August 3, 2023