Цели 27 години траеше династијата на семејството Малдини да му биде верно на Милан. Оваа речиси тридецениска верност заврши откако младиот Даниел Малдини си замина од Росонерите и сега е нов член на Специја.
Таткото на Даниел, легендарниот Паоло Малдини, цели 25 години играше во дресот на Милан и никогаш не го замени со дрес на друг клуб. По Паоло, дојде неговиот син Даниел, кој две години го носеше дресот на Милан, но сега дојде време за разделба.
Даниел, кој игра во офанзивниот ред, ги помина лекарските прегледи во Специја, каде што ќе игра во новата сезона како позајмен играч. Доколку постои интерес, Специја ќе може да го откупи договорот на Даниел од Милан.
#Spezia, ecco Daniel #Maldini: iniziate le visite mediche, poi la firma sul contratto [📸 @francescabales1] @SkySport @DiMarzio pic.twitter.com/6r6mRPtwZF
— Marco Bovicelli (@MarcoBovicelli) July 27, 2022
Младиот офанзивец во Милан најчесто добиваше шанса да заигра како резерва, но факт е дека го нема талентот на неговиот татко Паоли или на неговиот дедо Чезаре Малдини, двајцата клупски икони на гигантот од „Сан Сиро“.