Бразилскиот суперталент Ендрик постави рекорд во Копа Либертадорес. Тинејџерот кој има само 16 години постигна гол за Палмеирас во победата од 4:2 над Барселона од Еквадор. Со овој погодок, Ендрик стана најмладиот стрелец во историјата на ова континентално натпреварување во Јужна Америка и тоа само со 16 години и 322 дена.
At 16 years and 322 days, Endrick becomes the youngest player to score a goal in the Copa Libertadores.
— Mikael Madridista (@MikaelMadridsta) June 8, 2023
Реал Мадрид го купи Ендрик за 35 милиони евра уште пред да наполни 16 години, но ќе остане во Палмеирас до летото во 2024 година. Сезонава имаше неколку блескави моменти. Постигна пет гола, но најчесто влегува од клупата за резерви и има ограничена минутажа.
За талентираниот Бразилец се вели дека треба да биде наследникот на Карим Бензема, кој изненадувачки пред неколку дена си замина од „Сантијаго Бернабеу“, иако се очекуваше да остане во Реал до 2024 година.
