Англиските медиуми пишуваат дека навивачите на Манчестер јунајтед се организираат и имаат намера денеска повторно да протестираат и да направат хаос со кој повторно би го одложиле одигрувањето на натпреварот на Црвените ѓаволи против Ливерпул. Фановите веќе направија проблем во календарот на Премиерлигата и му направија лоша услуга на нивниот тим кој има пренапорен распоред.
Јунајтед и Ливерпул треба да се сретнат вечерва на „Олд Трафорд“ од 21.15 часот. Навивачите не ги сакаат сопствениците на клубот, семејството Глејзер, и од нив бараат да се повлечат. Останува да се види дали најавите за нов протест ќе се остварат и дали дербито сепак ќе се игра без проблеми.
