Екипата на Пари Сен Жермен имаше две различни искуства од пред заминувањето на пат кон Барселона и по пристигнувањето во најголемиот каталонски град. Утревечер Светците на „Камп ноу“ имаат тешко гостување кај Барса во осминафиналето на Лигата на шампионите, а фановите кои нема да може да бидат на трибините, најдоа начин како да им дадат поддршка.
По последниот тренинг на ПСЖ, бројни фанови се собраа и со песни и палење факли им даваа поддршка на своите миленици, а истакнаа и навредлив транспарент наменет за Барса. Од снимките се гледа дека навивачите се многу мотивирани и сакаат тоа да им го пренесат на фудбалерите.
Денеска при влегувањето во хотелот во Барселона, претседателот на ПСЖ, Насер Ал-Келаифи беше навредуван од навивачи на Барса, кои го навредуваа, го провоцираа и му порачуваа да ги тргне рацете настрана од Меси. Како што е познато, ПСЖ и Манчестер сити се клубови кои се најзаинтересирани за Меси ако тој реши да ја напушти Барселона.
Еве какво испраќање имаа играчите на ПСЖ:
La folie 🔥🔥🔴🔵 @kimpembe_3 pic.twitter.com/cbwmLIIZUp
— PSG COMMUNITY (@psgcommunity_) February 14, 2021