Езџан Алиоски одигра во негов препознатлив стил за Лидс против Астон Вила во победата од 3:0, а коментарите на навивачите се дека популарниот Џани постети на времињата од Чемпионшип кога беше во топ-форма.
„Ова беше ретро на Џани. Брз, стабилен на својата природна позиција. Ни даде свежина, цврстина и очекуваме во ист стил да продолжи во Премиерлигата. Му требаше време да се прилагоди и среќни сме што полека, но сигурно влегува во препознатливата форма“, коментираат симпатизерите на Лидс.
That was vintage Alioski last night. Natural position and looked so comfortable. That was his energy from the 2018/19 failed promotion bid season where until he was injured at Brentford he was unstoppable. Class performance by all though! 🔥
— Tommy (@tommymcneice) October 24, 2020
По блескавата игра против Астон Вила најавено е дека ќе следат и преговори меѓу Лидс и Алиоски за продолжување на договорот што му истекува идното лето.
Македонскиот репрезентативец дојде во Лидс пред три години и успеа да му помогне на легендарниот англиски клуб по 16 години да се промовира во премиерлигаш.