Аргентинскиот тенисер Диего Шварцман синоќа се избори за пласман во првото финале на Мастерс турнир, откако по голема борба и повеќе од три часа натпреварување, го победи Денис Шаповалов од Канада.
„Многу тежок меч. Денис играше многу добро и агресивно. Во третиот сет двајцата игравме за финале и за влез во Топ 10 на АТП-листата. Имаше многу нервоза, а на крајот јас ги искористив моите шанси“, вели задоволно победникот од маратонскиот меч во полуфиналето во Рим.
Иако Шварцман играше три часа и 13 минути во полуфиналето и нема ни 18 часа до почетокот на финалето против Новак Ѓоковиќ, Аргентинецот е оптимист.
„Имам два сона за остварување. Првиот е да освојам титула на значаен турнир, а втората е да влезам во Топ-10 на АТП-листата. Знам дека ќе биде многу тешко, но морам да дадам повеќе од 100 отсто во финалето. Нема да кажам дека е невозможно, но знам дека ќе биде многу тешко. Сепак, шанси постојат“, рече Шварцман, кој за првпат е дел од финале на мастерс-турнир.
Fighting until the very end. 💥
Diego Schwartzman advances to the first Masters 1000 final of his career where he will face Novak Djokovic.
🎥: @TennisTV | #IBI20 pic.twitter.com/KOx8qv0EpI
— US Open Tennis (@usopen) September 20, 2020
