Десеттата рунда од Спортската прогноза може да му донесе убав новогодишен подарок на најдобриот, или најдобрите, а во новата понуда за претстојниот викенд ви нудиме 12 натпревари од Германија, Англија, Шкотска, Италија, Шпанија, Белгија и Португалија.
Ова е последно коло од Спортска прогноза за 2018 година, а продолжуваме на 15-ти јануари со ново изненадување, на задоволство на сите прогнозери.
Во понудата најголемо дерби е Јувентус – Рома, но има и други интересни пресметки, како онаа на Рајо Валјекано и Леванте, што претставува македонско дерби, бидејќи еден против друг ќе се најдат голманот Столе Димитриевски и бомбардерот Енис Барди.
Деветтото коло донесе една 11-ка, можеби десеттото коло ќе биде среќно и ќе падне првата 12-ка, а со тоа и доделувањето на главната награда, телефон „самсунг А6“. Секако, тука се и вредносните ваучери за сите кои до крајот на викендот ќе погодат 11, 10 или 9 парови на СПОРТСКА ПРОГНОЗА.
По успешната прогноза ќе ви се прикажат вашите типувања. Сите прогнози за тековното коло, вклучувајќи ја и вашата, можете да ги погледнете тука.
