Алекс Занарди се наоѓа во тешка здравствена состојба, откако вчера доживеа тешка сообраќајна несреќа за време на една трка во Италија. Занарди удрил во камион и се здобил со тешки повреди на главата. Со помош на хеликоптер веднаш бил пренесен во болница, каде му е направена операција и сега останува да се избори со тешките повреди.
Занарди е некогашен формула 1 возач кој пред 19 години доживеа тешка несреќа за време на една трка во Германија, по што мораа да му бидат ампутирани двете нозе до потколениците. И покрај тоа што остана без двете нозе, Занарди не се предаде и реши да започне да вози велосипед со раце, спорт кој е дел и од параолимписките игри.
Од 2011 година до сега, Занарди освои 14 медали на големи натпреварувања, од кои дури 11 беа златни одличја. Утринава, докторот кој го оперираше Занарди, изјави дека Алекс е во тешка состојба и се наоѓа во неврохиргија.