Францускиот тенисер Беноа Пер игра одлично на два фронта на Ролан Гарос, а стаса и да го одигра поенот на денот. Во тандем со легендарниот Индиец Леандер Паеш, Пер одигра атрактивно, спаси неверојатно тешка топка, а и заврши во публиката, но брзо се врати на терен.
Блескавата реакција на Беноа изнуди аплауз од сите кои го следеа мечот, а дека Пер е во топ-форма, потоа потврди и со победа во сингл. Неговиот противник Пабло Карено Буста му го предаде мечот од третото коло поради повреда пред почетокот на четвртиот сет при предност на Пер од 2:1 во сетови.
Пер денеска пак ќе игра во машки двојки со Паеш против опасните Кабал и Фарах, а утре на ред е мечот од осминафиналето во поединечна конкуренција против Кеи Нишикори.
Дотогаш уживајте во тениската парада на Беноа на дуелот во двојки против Инглот и Клижан.
Talk about partners being in sync 😂 Happy to get the W with @benpaire and be back at @rolandgarros .Thank you to everyone who came out to support us. See you in the next round 👊🏽 #RG19 #RolandGarros pic.twitter.com/PDEdZcQ1gQ
— Leander Paes OLY (@Leander) May 31, 2019
