Иван Тричковски ја продолжува својата голгетерска низа сезонава во кипарското првенство. Популарниот Тричко денеска погоди од пенал за водство на АЕК Ларнака по првото полувреме од 1-0 на гостувањето против некогаш силниот Анортозис. Ако АЕК го добие натпреварот, ќе биде прв на табелата во кипарската лига.
Тричковски, кој е капитен на АЕК, сега има 8 погодоци во седум кола сезонава. На секој натпревар дава гол, а на еден меч беше двоен стрелец и ако АЕК на крајот стане шампион, се знае кој ќе биде најзаслужен за тоа.
