Вчерашниот дебакл на Евертон од Тотенхем со 6-2 на „Гудисон парк“ му донесе неславен рекорд на предводникот на „карамелите“, Марко Силва. Португалскиот стратег стана првиот менаџер кој загубил три меча на домашен терен најмалку со шест примени погодоци, притоа водел три различни екипи во Премиер лигата.
Во сезоната 2016/17, Силва беше на клупата на Хал сити, а во мај загуби со 7-1 од Тотенхем. Минатата сезона претрпе дебакл од шампионот Манчестер сити со 6-0 како тренер на Ватфорд, додека вчера „петлите“ повторно му зададоа главоболки откако шест пати ја затресоа мрежата на Евертон.
Сето ова се случи само за 19 месеци, па очигледно е дека Силва мора да го смени пристапот кога се соочува со екипи кои се при врвот во Премиер лигата.
Marco Silva is the first Premier League manager to concede 6 or more at home with three clubs, and he's done it in 19 months pic.twitter.com/o9bEa3UwM2
— B/R Football (@brfootball) December 24, 2018
