Лос Анџелес рамс се новите шампиони во американската професионална лига НФЛ откако во драматично финале во популарниот Супербол со 23:20 ги победија Синсинати бенгалс.
Рамс играа на домашен терен во Лос Анџелес, беа фаворити пред мечот, но до победата стигнаа буквално во последниот напад што го имаа. Беше 20:16 за Синсинати, кога тимот од Лос Анџелес успеа да направи тачдаун и да стигне до 23:20, на 1:25 минути до крајот.
Сепак, тука не беше крајот на возбудувањата затоа што Синсинати го имаше последниот напад. Бенгалс стигнаа до половина од игралиштето и имаа три обиди да „избуткаат“ еден јард, но на неверојатен начин едноставно не успеаја. Одбраната на ЛА беше фантастична кога беше најпотребно и не дозволи противникот да има шанса за три поени со шут од далечина.
Лос Анџелес одлично го отворија мечот и поведоа со 7:0, а на полувреме водеа со 13:10.
.@OBJ doing what he does on the biggest stage. #RamsHouse
📺: #SBLVI on NBC
📱: https://t.co/K02y40b5Nu pic.twitter.com/xPx5eHrG6j— NFL (@NFL) February 13, 2022
Синсинати најдобриот дел од играта го имаше во третата четвртина. Гостите негативата од три поени ја претворија во позитива од 20:10, со тачдаун кој беше направен со освојување на 75 јарди. Сепак, Синсинати тука и застанаа.
Burrow to Higgins for 75 yards and the @Bengals have the lead! #RuleItAll
📺: #SBLVI on NBC
📱: https://t.co/K02y40b5Nu pic.twitter.com/lTfM3W8nyA— NFL (@NFL) February 14, 2022
Рамс со одлична игра во одбраната и добар напад успеаја да направат два тачдауна и на крајот да се радуваат на победата и на вториот Супербол во клупската историја.
Половина минута реклама на овој спортски настан се продаваше за седум милиони долари.
За тоа како се одвиваше целиот меч може да видите на овој ЛИНК.
