Ексцентричниот Габонец, поранешниот член на Црвена ѕвезда, Гелор Канга постигна нов убав гол во својата кариера, која сега му тече како фудбалер на Спарта Прага.
Канга, кој е познат по лудиот карактер, непредвидливоста и ексцентричноста, мераклија е да шутира од далечина и да се обидува да дава убави голови. Вчера му успеа кога на мечот со Јаблонец ја „закачи“ топката толку добро, што таа како ракета леташе кон голот на противничката екипа и заврши во горниот агол.
