Белгискиот првак Бриж за првпат во клупската историја успеа да ја помине групната фаза од Лигата на шампионите и ќе игра во нокаут-системот. Бриж освои 11 бодови и заврши веднаш зад Порто во групата, а пред Баер Леверкузен и Атлетико Мадрид.
Еден од главните творци на овој историски успех на Порто е голманот Симон Мињоле. Искусниот 34-годишен дипломиран политиколог беше феноменален на пет од шесте средби во групната фаза во кои успеа да ја сочува својата мрежа незатресена. Единствено беше матиран на дуелот против Порто, кога Бриж загуби со 0:4 дома.
Мињоле, кој од 2013 до 2019 година го носеше дресот на Ливерпул, зад себе остава големи голмански ѕвезди и тој е единствениот кој на пет меча во групната фаза не примил погодок.
