Македонија е чекор поблиску до третото место во групата Г, а нашата репрезентација има предност од 1:0 по првото полувреме со голот на Бобан Николов.
Играчот на Мол Фехервар искористи последен момент за погодок и беше прецизен во втората минута од судиското продолжение. Погоди ниско по земја од десеттина метри и го претрка судијата Валери, кој се подготвуваше да свири крај на првото полувреме.
Мечот се игра за престиж бидејќи двете репрезентации немаат шанси за првите две места во групата, кои ги освоија Полска и Австрија.
Шанси имаше и на двете страни на националната арена „Тодор Проески“, повеќе напаѓаа нашите репрезентативци, а шанси пропуштија и Барди и Елмас и Стојановски, но затоа Николов беше прецизен.
Ако победиме, а Словенија загуби во Полска, тогаш Македонија ќе биде трета во групата.