Далас маверикс ја прекина серијата од осум победи на Бруклин нетс во дербито на ноќта со 115:98. Во составот на Мрежичките недостасуваше веќе извесно време повредениот Кевинд Дурант, а во пресрет на мечот и Ирвинг се смести меѓу повредените, па затоа Дончиќ и дружината профитираат од ситуацијата и приредија изненадување во „Барклајс центарот“.
Нормално дека директниот дуел меѓу Дончиќ и Харден се следеше со посебно внимание, а двете ѕвезди уште од стартот беа расположени за кошеви. Харден тргна одлично, со 15 поени во првиот период, односно 25 во двете четвртини пред полувремето, а наместо да продолжи во ист ритам, популарниот Брада застана во вториот дел и реализираше само четири поени.
Тоа беше знак дека гостите може да градат висока предност, па така следуваше серија од 12-0 на Далас на стартот од последниот период за недостижни +22 поени предност.
Харден беше најефикасен играч на средбата со 29 поени и 7 скока, Дончиќ постигна два поени помалку, но тоа беше доволни за Маверикс да ја запише седмата победа во последните девет натпревари.
Luka and The Beard duel in the 1st half on ABC!
Doncic: 19 PTS, 6 AST
Harden: 25 PTS, 4 3PM pic.twitter.com/fpuVM0JTDN— NBA (@NBA) February 28, 2021
Останати резултати НБА:
Филаделфија 109:112 Кливленд, Вашингтон 118:112 Минесота, Њујорк 110:107 Индијана, Оклахома 96:126 Денвер, Орландо 109:124 Јута, Сан Антонио 117:114 Њу Орлеанс.