Демиен Лилард влезе во историјата на НБА-лигата со својата перфектна партија во победата на Портланд против Сакраменто од 132:126. Ѕвездата на Блејзерс ги потопи Кралевите со 40 поени и 13 асистенции, притоа во 42 минути поминати на паркетот не запиша ниту една грешка.
Тој е првиот кошаркар во најсилната лига кој остварил ваков учинок откако грешките се сметаат во личната статистика, почнувајќи од сезоната 1977/78. Лилард беше неприкосновен со 11/23 шутеви од игра, со шест погодени тројки и 12/12 од линијата за слободни фрлања.
🔥 40 & 13 for Dame 🔥@Dame_Lillard becomes the 1st player with 40+ PTS, 13+ AST and zero turnovers since turnovers became an official stat in 1977-78! pic.twitter.com/xXJSVItJqw
— NBA (@NBA) January 14, 2021
Работите полека се враќаат на своето место. ЛА лејкерс со четвртата победа во низа се зацврсти на врвот на табелата во Западната конференција. Езерџиите ноќеска беа подобри од Оклахома со 128:99, меч во кој Џејмс блесна со 26 поени, 7 асистенции и 6 скока.
И Далас влезе во победничка серија во последните четири натпревари, по триумфот на гости кај Шарлот со 104:93. Хорнетс немаа решение за расположениот Лука Дончиќ, кој остана краток за една асистенција да оствари трипл дабл со 24 поени и 13 скока.
Останати резултати НБА:
Детроит 101:110 Милвоки, Њујорк 109:116 Бруклин, Минесота 107:118 Мемфис, ЛА клиперс 111:106 Пеликанс.
