ЛА лејкерс ноќеска во „Стејплс центарот“ ја забележаа 12-тата овосезонска победа, совладувајќи го тимот на Индијана пејсерс со 104:96. Леброн Џејмс ги предводеше „езерџиите“ до новиот триумф, а со својот учинок од 38 поени напредна на вечната листа по бројот на натпревари на кои успеал да постигне 30 или повеќе поени.
„Кралот“ го надмина Карл Мелоун во оваа статистика, сега е трет, а брои вкупно 436 натпревари со постигнати 30+ поени. Пред него се само Мајкл Џордан со 562 меча и Вилт Чембрлен со 512 натпревари.
Против Пејсерс, Џејмс шутираше 15/27 од игра, 2/7 за три поени, 6/10 од линијата за слободни фрлања, а врза девет скока, седум асистенции и две украдени топки.
Congrats to @KingJames of the @Lakers for moving up to 3rd on the NBA’s ALL-TIME 30-POINT GAMES list!#LakeShow #ThisIsWhyWePlay pic.twitter.com/rPgWitigMV
— NBA (@NBA) November 30, 2018
