Арсенал се намачи, но на крајот стигна до победата против Хадерсфилд. Противникот се покажа како многу незгоден. Хадерсфилд одлично се бранеше, а речиси и да не помисли на напад. Како резултат на тоа, овој меч беше единствен во последниве година и два месеци на кои имало вкупно два удари во рамките на головите и двата ги упатија домашните фудбалери.
Можеби имаше само два удари, но тој што заврши во мрежата на гостите беше спектакуларен. Лукас Тореира со „ножички“ го матираше гостинскиот голман, за голема радост на навивачите на Арсенал и победа од 1:0.
