Фудбалскиот клуб Шкендија објави дека тренерот Јетон Беќири нема да продолжи да го води тимот во следната сезона, откако му истече договорот со крајот на натпреварувачката сезона 2025/2026.
По заедничка евалуација на периодот на соработка, клубот и тренерот одлучија да се разделат во овој момент, затворајќи важно поглавје во поновата историја на Шкендија.
Јетон Беќири го презеде тимот во јануари 2024 година и за време на неговиот престој освои шампионска титула во сезоната 2024/2025. Под негово водство, Шкендија го забележа и најуспешниот настап во историјата на клубот во европските натпреварувања, обезбедувајќи учество во лигашката фаза од Конференциската лига на УЕФА и пласман во плејоф фазата од тоа натпреварувањето.
„Сите ние во Шкендија му се заблагодаруваме на Јетон Беќири за неговиот придонес додека го водеше тимот и му посакуваме здравје и успех во продолжението на неговата професионална кариера. Ти благодариме, Јетон!“, порачаа од клубот.
