Според информации на руски медиуми, африканските и јужноамериканските членки на ФИФА го поддржуваат враќањето на руските фудбалски тимови на меѓународната сцена, додека во Европа мнозинството се против. Мек став кон Русија има и претседателот на ФИФА, Џани Инфантино.
Наводно, 80 држави сакаат Русија да биде вратена. Меѓу нив се десетте од КОНМЕБОЛ: Аргентина, Бразил, Уругај, Чиле, Парагвај, Боливија, Перу, Еквадор, Колумбија и Венецуела, како и практично целиот африкански блок каде што има 54 земји, особено се поддржува враќањето на Русија во младинскиот и јуниорскиот фудбал. Логиката на Африканците е: фудбалот мора да се развива, а младите спортисти не смеат да бидат изоставени од меѓународниот систем.
Во КОНКАКАФ (Северна и Средна Америка) повеќето федерации исто така не се противат на враќањето на Русија. Исклучоци се САД, Канада и Мексико. Во КОНКАКАФ има 41 асоцијација, а ако ги исклучиме САД, Канада и Мексико, има приближно 38 федерации кои, според изворите, не се противат на враќањето на Русија.
Враќањето на Русија е поддржано и од некогашните поранешни советски земји: Белорусија, Казахстан, Узбекистан, Таџикистан, Киргистан и Туркменистан.
