Церемонијата за отворањето на Олимписките игри во Токио ќе се одржи на 23 јули 2021 година. Два дена порано ќе почне фудбалскиот турнир за мажи, а на 22 јули почнува натпреварувањето во женски софтбол. На денот на отворањето почнува и трката за медали во веслање и стрелаштво.
Веќе во првиот ден по отворањето на ЛОИ ќе се доделуваат првите медали во дисциплината пукање со воздушна пушка на 10 метри за жени.
Игрите во Токио ќе бидат најмасовни по бројот на дисциплини, а пред церемонијата за затворање на истите која е закажана за 8 август, ќе се доделат рекордни 339 медали.
