Лондонски Челзи вчера го промовираше голманот Филип Јоргенсен како нивен нов член, данскиот чувар на мрежата го донесоа од Вилјареал и тоа за не баш мала сума на пари (21 милиони фунти).
Така, сега сосе Јоргенсен, Челзи има, верувале или не, дури седум голмани под договор.
Освен Јоргенсен, официјални членови на Сините се и голманите Роберт Санчес, Маркус Бетинели, Ѓорѓе Петровиќ, Лукас Бергстрем, Еди Бич, и Кепа Аризабалага. Јасно е дека некои од нив ќе мора да бидат продадени или позајмени, но навистина е необично што еден клуб има толку многу голмани бидејќи ретко во кој клуб во една сезона бранат повеќе од двајца.
