Падерборн успеа да се пласира во Бундеслигата за следната сезона откако во плејофот го елиминира досегашниот бундеслигаш Волфсбург.
Фудбалерите на Падерборн во реваншот на домашен терен победија со 2-1, откако првиот меч заврши без голови. За да се добие победник мораа да се играат и продолженија.
Волфсбург дојде во водство во третата минута со голот на Пејчиновиќ, но потоа следеше голем хендикеп за гостите откако Маеле доби црвен картон во 14-тата минута.
Филип Билбија во 38-та минута успеа да го израмни резултатот, а победничкиот гол за пласман во Бундеслигата го постигна Лорин Корда во 100-та минута од дуелот.
