Без наслов - Страница 10020

Пандев бара трпение, клучот е што побрзо да постигнеме гол

Зоран Поповски

-

12.10.2018

Горан Пандев вели дека ова е историска шанса за македонската репрезентација да игра на големо натпреварување, а една од пречките на долгиот пат кон ЕП 2020 е и селекцијата на Лихтенштајн.

Утре во Скопје ќе играме со апсолутниот аутсајдер во нашата група, заедно со Гибралтар, а победата не би тербала да дојде во прашање. Капитенот вели дека мора да се игра без нервоза, трпеливо за да се стаса до целта.

„Во Струмица игравме поинаков меч и тогаш го скршивме нивниот отпор по првиот постигнат гол. И сега ќе биде клучно што побрзо да им ја затресеме мрежата, но мора да бидеме трпеливи. Не смее да не фати нервоза, затоа што сме поквалитетни и верувам дека тоа ќе го покажеме на теренот. Добро го познавам Бухел, кој долги години игра во Италија, но во фудбалот не може да зависи се од еден играч. Поквалитетни сме и верувам во победа“, изјави Пандев.

Поради проблеми со стомачен вирус, вечерниот тренинг го пропуштија Мите Цикарски, Аријан Адеми, Стефан Спировски, Стефан Ристовски и Бобан Николов.

Ангеловски: Да не го потцениме Лихтенштајн

Зоран Поповски

-

12.10.2018

0

Македонија нема избор и утре треба да ја забележи третата победа во нашата група од Д сегментот во Лигата на Нации, против аутсајдерот Лихтенштајн, а дури потоа да мисли на клучниот меч со Ерменија во Ереван.

Засега ни оди одлично и со две победи на два меча сме први во групата, а само таа позиција не остава во игра за настап на ЕП 2020 година.

„Очекувам максимално сериозно да му пристапиме на утрешниот меч, се со цел да победиме. Најважен ми е следниот дуел. Никогаш не сум размислувал за вториот меч што следи потоа и така треба и утре сите да размислуваме, за да го победиме Лихтенштајн. Имаме проблеми со вирус и тие се под медицински надзор и полека ситуацијата се подобрува. Се надевам дека утре ќе можат да настапат.

Лихтенштајн е малку поинаква репрезентација од таа што ја победивме во Струмица пред една година и одиграа добро во двата меча од циклусот во Лигата на Нации“, вели селекторот Игор Ангеловски.

Мечот ќе се игра од 20,45 часот, утре на националната арена во Скопје.

Кога играат Белгија и Швајцарија тоа е најава за голови

Трајан Маневски

-

12.10.2018

0

Официјално третата најдобра репрезентација според пласманот на Светското првенство во Русија, Белгија, на свој терен ќе игра против Швајцарија, во меч од Лигата на нации. Селекцијата која според многумина го има најголемиот потенцијал за во иднина да стигне до злато на некое големо натпреварување, се соочува со проблеми пред дуелот против ривалот за првото место во групата.

Искусниот Јан Вертонген ќе го нема во средниот ред, а поради повреда отсуствуваат и Муса Дембеле и креаторот на играта Кевин де Бројне. И покрај овие отсуства, селекторот Роберто Мартинез нема да отстапи од офанзивната тактика и ќе игра во формација 3-4-3. На голот ќе биде Куртоа, а во дефанзивата се Алдервирелд, Компани и Бојата. Сепак, филозофијата на Белгија не е да се брани, па се очекува главни на теренот да бидат Мертенс, Лукаку и Азар.

И Швајцарија не е без проблеми. Кај гостите ќе ги нема Џуру и Мехмеди, но битно е дека офанзивниот ред предводен од Сеферовиќ, а од „сенка“ со Џака, Шаќири, Емболо и Зубер, може да е предзнак за погодок и на гостите.

Од претходните седум средби на овие две селекции, дури шест завршиле со барем три погодоци. Фактот дека негуваат офанзивен фудбал, најавува дека и вечерва може да има многу голови. Двете селекции во првиот меч од Лигата на нации се натпреваруваа колку може повеќе голови да му дадат на Исланд. Швајцарија победи со 6:0 против „рибарите“, а Белгија на гости се радуваше со 3:0.

Измамник на годината: Измислил дека игра за Јувентус и му верувале

Трајан Маневски

-

12.10.2018

0

Еден Мексиканец решил да се обиде да се претстави како голем фудбалер кој игра за Јувентус и за кратко време тоа му успеало. На социјалната мрежа Инстаграм, Дионицио Фарид изрежирал дека е фудбалер на италијанскиот гигант. Тој се претставил како дел од младинската селекција на „старата дама“ за играчи до 20 години.

Самиот Дионицио измислил приказна како скаути на Јувентус го забележале неговиот талент на турнир во САД и го повикале да биде дел од У-20 составот. За да биде неговата приказна уште поуверлива, тој постирал слики од тренинзите на младинскиот тим на Јувентус. Се изгледало реално благодарение на фото-шоп, со кој успевал неговиот лик да го стави на телото на некој од вистинските фудбалери, па така изгледало како тој да е на тренинг.

Во оваа приказна поверувале дури и дел од мексиканските новинари, па Дионицио давал и интервју за тоа како е да се игра за Јувентус. Сепак, како и на секоја лага и на оваа „нозете и останале кратки“. Целата измама била откриена, откако од Јувентус официјално соопштиле дека немаат играч со такво име, но и дека во сите селекции на клубот немаа воопшто ниту еден Мексиканец.

Откако сфатил дека неговата измама е откриена, Дионицио го блокирал својот профил на Инстаграм, каде за кратко време успеал да собере 16.000 фанови и следачи. Желбата да се биде фудбалер на Јувентус со помош на измама му успеала на овој Мексиканец, но и таа „фудбалска кариера“ му траела кратко.

Барселона во јануари ќе купи тројца играчи

Трајан Маневски

-

12.10.2018

0

Барселона има големи проблеми во дефанзивниот ред. За првпат по неколку децении екипата прима погодок на шест меча по ред во Примера дивисион. Слабата одбрана значи дека нема ни добри резултати. Актуелниот шпански првак е во низа од четири натпревари без победа, па поради тоа и го загуби лидерското место на табелата.

Затоа, доаѓањето на квалитетен стопер е неопходно. Прва желба е дефанзивецот на Ајакс, Матијас де Лигт, кој се гледа како долгорочно решени за тимот од „Камп Ноу“. Освен дефанзивецот, Kаталонците сакаат да купат уште двајца играчи.

Се бара наследник на Луис Суарес, кој засега игра добро, но фактот дека веќе има 33 години, значи мислење и за негов наследник. Фактот дека Мунир Ел Хадади е сегашната негова резерва, значи дека Барселона мора да најде квалитетен голгетер. Ќе треба да се најде и уште еден голман, бидејќи Јаспер Силесен најави дека ќе си замине бидејќи сака повеќе да брани.

По завршување на репрезентативните настапи, Барселона ја очекува дерби-дуел во Примера, и тоа на свој терен против Севилја, која сега е лидер во шпанското првенство.

Патешествие за „металурзите“

Златко Јуруковски

-

12.10.2018

0

Екипата на Металург нема да има многу време за одмор по патувањето од Скопје до Чехов, а пред утрешниот меч со Чеховски медведи од петтото коло во Лигата на шампионите во ракомет.

Ракометарите на тренерот Данило Брестовац денеска рано изутрина со автобус заминаа за Бугарија, од каде што попладнево ќе имаат лет за Москва. На московскиот аеродром „Шереметјево“ тимот треба да ќе слета во раните вечерни часови, а потоа оттаму следува ново патување, малку подолго од 100 километри до Чехов, повторно со автобус.

Лошите конекции придонесуваат просторот за тренинг во салата во Русија да биде стеснет. Средбата се игра утре, со почеток во 15 часот по македонско време. Мечот се игра во спортската сала „Олимпискиј“ во Чехов, објект со капацитет од 3.000 места.

Минатата сезона, Металург ги совлада Чеховски медведи во Чехов со резултат 32:26, но сезонава тимот од Автокоманда уште нема освоено бод во елитното натпреврување.

Ако помине вирусот, Ангеловски може да ја преслика струмичката стартна постава

Зоран Поповски

-

12.10.2018

0

Замената со повредениот Дарко Велковски и дополнително повиканиот Ѓоко Зајков му овозможува на селекторот Игор Ангеловски да ја репризира стартната постава на македонската фудбалска репрезентација од последниот меч против Лихтенштајн.

Утре, во Скопје, од 20.45 часот во третиот меч од Лигата на нациите играме против селекцијата што лани ја победивме убедливо во квалификациски дуел за настап на Мундијалот во Русија.

Во Струмица лани, во октомври го декласиравме Лихтенштајн со 4-0, а и за утрешниот меч сите 11 репрезентативци што беа стартери тогаш, веројатно ќе бидат подготвени за нов настап против истиот ривал.

Проблем е стомачниот вирус кај Бобан Николов, Стефан Спировски, Ферхан Хасани и Мите Цикарски, но веројатно е дека квартетот ќе биде подготвен за игра.

Лани, на деветти октомври, Македонија играше во формација 4-4-2 и во Струмица во надмоќна игра го декласира Лихтенштајн со головите на Муслиу, Трајковски, Барди и Адеми.

Еве ја стартната постава од тој меч што селекторот Ангеловски може да ја репризира и за утрешниот меч во Скопје.

Димитриевски – Ристовски, Муслиу, Зајков, Ристевски – Алиоски, Барди, Хасани, Трајковски – Пандев, Несторовски.

Во Подгорица се подготвува пекол за „манекените“

Златко Јуруковски

-

12.10.2018

0

Црногорските љубители на кошарката со нетрпение го очекуваат појавувањето на првакот на АБА-лигата, Будуќност, во Евролигата. Тоа ќе се случи од 18.45 часот, во реновираната сала „Морача“, а најавите од Подгорица се дека „ќе нема игла каде да падне“. Будуќност не играл дома евролигашки меч уште од шести февруари 2003, или 5.728 дена.

Гостинот е Армани Милано, кому нема да му биде лесно во таа пеколна атмосфера. Поранешниот македонски селектор, а сега тренер на Будуќност, Александар Џикиќ, во тимот донесе неколку засилувања, но резултатите засега не се според очекувањата.

Едвин Џексон дојде како прв стрелец во шпанската лига. И „манекените“ од Милано го реновираа составот во споредба во минатата сезона. Го купија Немања Недовиќ, кој беше втор стрелец во Евролигата. Џексон и Недовиќ играа заедно во Уникаха пред три сезони.

Член на Армани е Владимир Мицов, кој од 2005 до 2009 беше играч на Будуќност. Тимот од Милано првпат гостува во Црна Гора. Во поширокиот состав на Будуќност, дури 11 играчи ќе бидат дебитанти во Евролигата.

Вечерва во Евролигата играат уште Химки – Олимпијакос, Жалгирис – Басконија и Фенербахче – Гран Канарија.

Против Русија младите играат за престиж

Зоран Поповски

-

12.10.2018

0

Младата македонска репрезентација за фудбалери до 21 година одамна ги загуби шансите за настап на Европското првенство во Италија и Сан Марино следната година, но останува битката за престиж.

Денеска, од 18 часот, во Тула избраниците на селекторот Добринко Илиевски ќе се обидат да го изненадат фаворитот и да се реваншираат за несреќниот пораз во Скопје од 3-4.

Тогаш Русите во снежното Скопје славеа со голот на Бакаев во 94-тата минута.

„Русија има шанси за да се пласира на европското првенство, а ние, за жал, го пропуштаме овој циклус. За нас мечот нема некое резултатско значење, но сепак сме дојдени со голема желба за успех. Сега сме во процес на градење на една нова селекција која ќе може да игра и во следниот квалификациски циклус. Ќе играме за нас, за нашиот рејтинг и за Македонија. Овие момци имаат квалитет и веруваме дека ќе одиграме добар меч против фаворитот Русија“, изјави Илиевски.

Македонија има само 4 бода на претпоследната позиција во седмата група, а Русија е третопласирана со 16 бодови и на две кола до крајот на квалификациите, има шанса за настап во баражот.

Најбрзиот човек на светот е мајстор и за фудбал (Видео)

Златко Јуруковски

-

12.10.2018

0

Легендарниот спринтер Јусејн Болт, кој ги држи светските рекорди на 100 и 200 метри, ја заврши атлетската кариера, а се покажува како успешен и во фудбалот. Јамајчанецот настапи за австралискиот тим Сентрал коуст маринерс и даде два гола на пријателскиот меч со второлигашот Маркатур Саут вест јунајтед.

При водство на „морнарите“ од 2-0, Болт постигна убав гол за 3-0, во стил на голгетер кој долго време игра фудбал. Подоцна, тој уште еднаш ја затресе мрежата на противникот, користејќи ја грешката на голманот.

„Првпат стартер и дадов два гола. Прекрасно е чувството. Му покажав на светот дека напредувам, сакам долго време да играм за Маринерс“, изјави Болт, кој има тренирано со Борусија Дортмунд, а еднаш настапи и на „Олд Трафорд“.

Ова се головите на Болт:

https://twitter.com/twitter/statuses/1050691463527456769