Без наслов - Страница 10019

На јубилејот за 25 години, го чекаме 250 погодок за Македонија

Трајан Маневски

-

13.10.2018

Датумот 13 октомври засекогаш ќе биде запишан со златни букви во фудбалската историја на Македонија. На овој датум, пред точно 25 години, нашата најдобра селекција го одигра првиот официјален натпревар.

Беше тоа пријателска средба против Словенија во Крањ, а Македонија започна триумфално. Победа од 4:1 за „црвено-жолтите“ и историски прв погодок постигнат од Зоран Бошковски-Чоко.

Од тој 13 октомври 1993 година, до денес, Македонија има одиграно точно 222 натпревари. Вечерва на програмата е 223 дуел и тоа против Лихтенштајн, на арената „Филип Втори“ во Скопје. Досегашниот биланс е 63 победи, 57 нерешени средби и 102 порази. Гол разликата е 249 дадени погодоци и 299 примени. Тоа значи дека вечерва можеме да се израдуваме на 250 погодок за националниот тим, но и да тагуваме за 300-от примен погодок.

ВКУПНО 12 КВАЛИФИКАЦИСКИ ЦИКЛУСИ БЕЗ УСПЕХ, ДАЛИ „13-КА“ ЌЕ НИ БИДЕ СРЕЌНА

Во четврт век од постоењето на националниот тим, Македонија се нема израдувано на голем успех. Нема пласман на големо натпреварување, иако досега репрезентацијата има одиграно по шест квалификациски циклуси за Европско и за Светско првенство.

Во квалификациите за пласман на Европско првенство, вкупно имаме одиграно 58 натпревари, а билансот е 11 победи, 14 нерешени и 33 порази, со гол разлика од 59 дадени и 90 примени голови. Кога се работи за квалификации за СП, Македонија во 60 меча во обид да стигне до Мундијал, има 14 победи, 12 реми и 34 порази. Гол разликата е 72:104.

Можеби најголема шанса за пласман на завршницата на големо натпреварува, Македонија ја има токму сегам во 13-тиот квалификациски циклус за големо натпреварување. Во Лигата на нации, нашата селекција е првопласирана и со евентуален нов триумф вечерва против Лихтенштан, ќе бидеме пред промоција на првото место во групата. Ако тоа се случи, би значело дека Македонија ќе биде меѓу оние четири селекции од сегментот Д, кои ќе се борат за местото кое води директно на Европското првенство во 2020 година.

СМЕ НЕМАЛЕ РИВАЛ САМО ОД ОКЕАНИЈА

Најмногу натпревари Македонија има одиграно против ривали од европската зона, односно членки на УЕФА. Дури 190 натпревари против европски противници, а билансот е 59 победи, 45 нерешени и 86 порази со гол разлика 227:260.

Потоа следат дуелите против слекциите од азиската конфедерација. Против нив во 19 меча имаме само една победа и тоа против Катар. Дури 10 порази и осум нерешени средби покажуваат дека не ни лежат овие ривали со кои имаме гол разлика од 10 дадени и 23 примени голови.

Против ривали од Африка имаме пет меча, на кои три пати сме ремизирале, а сме загубиле два пати. Со национални селекции од Конкакаф зоната имаме 4 меча и тоа со позитивен биланс од 2 победи, едно реми и 1 пораз (5:2 гол-разлика). Само против Еквадор имаме одиграно против селекции кои се од КОНМЕБОЛ зоната во Јужна Америка. На таа средба победивме со 2:1. Од земјите кои веќе не постојат. 3 дуели со Србија и Црна Гора и три порази. Единствено ниту еден меч немаме одиграно од репрезентациите кои се дел од Океанија.

Македонија е голем фаворит на денешниот дуел против Лихтенштајн и очекуваме радост на денот на кој пред точно 25 години го одигравме првиот натпревар во фудбалската историја.

Повредата на Салах не е сериозна

Томас Ѓорѓиевски

-

13.10.2018

0

Салах вчера блескаше во дресот на Египет по убедливата победа над Есватини со 4-1. Египѓанецот постигна гол директно од корнер, убаво се забавуваше на теренот се до последните неколку минути од средбата, кога поради повреда мораше да биде заменет.

Иако се виде дека Салах има болки, сепак, асистентот на репрезентацијата, Хени Ремзи, истакна дека не се работи за посериозна повреда, а тоа ќе го потврдат и следните медицински прегледи.

„Првите прогнози од лекарскиот тим се дека Салах заработи повреда на мускулот на ногата. Замената беше да се избегне поголема штета, тој дополнително ќе оди на прегледи, но според мене, не се работи за посериозна повреда“, истакна Ремзи по мечот.

По репрезентативните обврски Салах ќе се врати во Ливерпул каде со своите „црвени“ треба да го одигра мечот против Хадерсфилд во рамките од Премиер лигата, но пред тоа, Египет ќе се сретне уште еднаш со селекцијата на Есватини, на 16-ти октомври, во квалификациите за Африканскиот куп.

Лејкерс и без Леброн го преслуша шампионот

Томас Ѓорѓиевски

-

13.10.2018

0

ЛА Лејкерс веќе втор пат во два дена го совлада шампионот Голден стејт вориорс, овој пат во „Оракл“ арената во Оукленд, со конечни 119-105. Иако „воините“ на полувреме водеа со 13 поени разлика, „езерџиите“ предводени од анонимецот Свјатислав Михаијлик(22 поени) успеаја да направат пресврт, и да им го нанесат четвртиот пораз на Голден стејт по пет предсезонски средби.

Покрај Михаијлик, втор најефикасен беше Кајл Кузма со 19 поени, додека во редовите на Голден стејт се истакна Клеј Томсон со 21 поени, и Квин Кук со 20 поени. Леброн Џејмс остана на клупата и воопшто не излезе на терен, а неговиот лејкерси триумфираа и без него.

Ракетите од Хјустон без проблеми ја совладаа екипата на Мемфис со 121-103. Како и по обичај, Харден беше најразиграниот кошаркар од Хјустон со 23 поени, шест скока и шест асистенции, додека Крис Пол забележа дабл-дабл учинок со 14 поени и 11 асистенции. Џерен Џексон беше најефикасниот играч од Гризлис со 18 поени.

Средбата Чикаго булс – Денвер нагетс, е единствениот меч на кој не се постигнаа 100 или повеќе поени, а на Денвер за оваа граница им требаше само еден кош. Средбата заврши 98-93 во корист на тимот од Денвер, а како најефикасен во составот се истакна Гери Херис со 18 поени, додека Џабари Паркер со 19 поени ги предводеше „биковите“.

На „елените“ од Милвоки малку им требаше да стигнат до 150 поени, а во победата над Минесота реализираа 143 поени. Веќе на полувреме водеа со високи 31 поени разлика, а Адетокумбо заврши со трипл-дабл учинок од 32 поени, 12 скока и 10 асистенции. Во редовите на Минесота најрасположен беше Таџ Гибсон со 21 поени и седум скока.

Резултати НБА предсезона:

Кливленд – Детроит 110-129

Далас – Шарлот 118-123

Орландо – Сан Антонио 81-100

Њујорк – Бруклин 107-113

Чикаго – Денвер 93-98

Мемфис – Хјустон 103-121

Мајами – Атланта 119-113

Милвоки – Минесота 143-121

Портланд – Сакраменто 118-115

Голден стејт – ЛА лејкерс 105-119

Се огласи и ФФМ: Фудбалерите имаат стомачен вирус, а не се затруени со храна

Трајан Маневски

-

13.10.2018

0

Досегашните испитувања и добиените резултати, а поврзано со стомачните тегоби на кои се жалеа неколкумина фудбалери од А репрезентацијата на Македонија, покажуваат дека се работи за стомачен вирус, официјално потврдија од Фудбалската федерација на Македонија. Нашата најдобра фудбалска селекција вечерва игра на Арената „Филип Втори“ против Лихтенштајн, во рамките од третото коло од Лигата на нации.

Испитувањата покажале дека објективната причина за состојбата на дел од фудбалерите во националниот тим не е труење со храна. Дополнително се преземени сите неопходни мерки од епидемиолошки аспект за целосно утврдување на причината за настанатата состојба.

Лекарскиот тим во репрезентацијата постојано ја следи состојбата на сите вклучени во националниот тим и ги презема неопходните активности. Поради проблеми со стомашниот вирус, синоќешниот тренинг не го одработија Стефан Спировски, Стефан Ристовски, Аријан Адеми, Мите Цикарски и Бобан Николов.

Нула во Риека, Лукаку ја реши Швајцарија

Томас Ѓорѓиевски

-

12.10.2018

0

Хрватска и Англија одиграа реми без голови пред празните трибини на стадионот во Риека. Статистички гледано Хрватите беа поконкретни, но, ниту тие, ниту „гордиот Албион“, не го пронајдоа патот до мрежата.

Средбата за деби во сениорскиот национален состав на Англија ја искористи осумнаесетгодишниот Џејдон Санчо, кој сезонава игра сензационално во дресот на Борусија Дортмунд во Бундеслигата, а пред само неколку месеци играше против селекцијата до 19 години на Македонија во Скопје.

Ромелу Лукаку му донесе победа од 2-1 на Белгија над Швајцарија, откако напаѓачот на Манчестер јунајтед донесе предност за „ѓаволите“ во 58-тата минута, додека Марио Гаврановиќ израмни во 76-тата минута. На пет минути пред крајот од регуларните 90, Лукаку втор пат беше прецизен и ги постави конечните 2-1 на средбата која се одигра во Брисел.

Резултати Лига на Нации:

Сегмент А група 2:

Белгија – Швајцарија 2-1 (0-0)

Сегмент А група 4:

Хрватска – Англија 0-0

Сегмент Б група 3:

Австрија – Северна Ирска 1-0 (0-0)

Сегмент Ц група 2:

Естонија – Финска 0-1 (0-0)

Грција – Унгарија 1-0 (0-0)

Сегмент Д група 2:

Белорусија – Луксембург 1-0 (1-0)

Молдавија – Сан Марино 2-0 (1-0)

Заврши сезоната за Дел Потро?

Томас Ѓорѓиевски

-

12.10.2018

0

Повредата на коленото која Хуан Мартин Дел Потро ја заработи вчера во мечот против Борна Чориќ, може да му направи проблеми на Аргентинецот и да го примора пред време да ја заврши сезоната. Делпо при еден напад нагази лошо, при што падна и го удри коленото на тврдата подлога. Подоцна аргентинскиот тенисер едвај го доигра првиот сет, а откако го загуби, реши да го предаде мечот.

„Чудно беше движењето кое го направив, а откако паднав, веднаш почувствував болка во коленото. Потоа ја загубив силата и стабилноста да го издржам мечот до крај, па исправна одлука беше да се предадам. Направив неколку прегледи, но докторите ме советуваа да почекам дополнителни испитувања според кои ќе одлучам дали ќе продолжам да играм годинава или не“, истакна Дел Потро.

https://twitter.com/doublefault28/status/1050374910953050114?ref_src=twsrc%5Etfw%7Ctwcamp%5Etweetembed%7Ctwterm%5E1050374910953050114&ref_url=https%3A%2F%2Ftennismash.com%2F2018%2F10%2F12%2Finjury-concerns-juan-martin-del-potro%2F

Фенербахче пресилен за Гран Канарија

Томас Ѓорѓиевски

-

12.10.2018

0

Фенербахче стартуваше со победа од 97-72 над Гран Канарија во новата сезона во Евролигата. Избраниците на Жељко Обрадовиќ не им оставија ниту малку простор на гостите, уште во првите 10 минути ја направија сигурната предност до +12, која во текот на средбата само ја зголемуваа.

На паузата се замина со 49-35 во корист на тимот од Истанбул, а во продолжението „фенерџиите“ своевремено остварија и највисоко водство од +27.

Најзаслужен за победата беше Јан Весели, кој реализираше 19 поени, Калиниќ заврши со 15 поени, по 12 додадоа Датоме и Ловерн. За гостите најефикасен со 13 поени беше Еванс, додека Пасечник заврши со 12 поени.

Овации за Салах – Египќанецот погоди од корнер (видео)

Томас Ѓорѓиевски

-

12.10.2018

0

Ѕвездата на Египет, Мохамед Салах, одново ги покажа своите фудбалски квалитети. На квалификацискиот меч за Афричкиот куп против Есватини, на кој Египет славеше со 4-1, Салах постигна гол директно од корнер. Домаќините сите четири гола ги постигнаа во првите 45 минути од средбата, а последниот беше ремек – делото на Салах.

Олимпијакос го реши Химки среде Москва, Басконија сигурна против Жалгирис

Томас Ѓорѓиевски

-

12.10.2018

0

Олимпијакос оствари убедлив триумф против Химки во првиот меѓусебен дуел во новата сезона во Евролигата, грчкиот тим победи со 87-66, во Москва. Химки поведе по првите 10 минути со 22-20, но Олимпијакос во вториот период стигна до двофицрена предност за на пауза да заминат со резултат од 44-34. Во продолжението, гостите ја контролираа топката и резултатот, па така го осигураа првиот триумф во новата европска сезона.

Ледај беше најефикасен за Олимпијакос со 14 поени, 13 додаде Везенков, додека за Химки најрасположен беше Алексеј Швед со 31 поени.

Басконија триумфираше со конечни 87-79 на гостувањето во Литванија против Жалгирис Каунас. Пресудни беа втората и третата четвртина за поразот на Жалгирис, во кои Басконија создаде убедлива предност и ја сочува до самиот крај, и покрај обидот на домаќините да извлечат нешто позитивно од оваа средба.

Во тимот на Басконија, Грејнџер заврши со 15 поени, 14 поени додаде Шилдс. Волтерс со 19 поени беше најефикасен од составот на Жалгирис.

Армани Милано ја расипа забавата на Будуќност во Подгорица

Томас Ѓорѓиевски

-

12.10.2018

0

Будуќност со пораз од Армани Милано при конечни 82-71, ја стартуваше сезоната во Евролигата. Шампионот на АБА чекаше 15 години да се врати во европската елита, а гостите од Италија беа решени да ја расипат забавата во Подгорица.

Тимот на Милано уште во првиот период оствари двофицрена предност (22-11), која ја чуваа во текот на речиси целата средба. Во обид да се вратат во игра, кошаркарите на Будуќност пружија отпор во третиот период, па ја намалија негативата на само три поени разлика при резулатат од 52-49 во корист за гостите. Во одлучувачката четвртина, Армани повторно избега на +12, а со три тројки во низа од страна на Будуќност, средбата повторно беше неизвесна на две минути до крајот, меѓутоа тоа не беше доволно да се направи комплетен пресврт во завршницата.

За домаќините најефикасен беше Ерл Кларк со 22 поени, а Едвин Џексон беше вториот играч на Будуќност забележа 11 поени. Во победничкиот состав на Армани, се истакна Владимир Мицов со 15 поени, 14 додаде Немања Недовиќ, а со 13 поени заврши Мајк Џејмс.