Хуан Мартин Дел Потро го предаде мечот против Борна Чориќ откако се здоби со повреда на коленото. Аргентинецот го повреди коленото при крајот на првиот сет, се обиде да игра и покрај болките во коленото, но откако Хрватот стигна до водство од 1-0 (7-5), Дел Потро немаше сили да ја продолжи средбата.
Чориќ во четвртфиналето ќе игра против Метју Ебден, кој претходно беше подобар од Гојовжик со 2-0.
Роџер Федерер по три сета и конечни 2-1 (6-3, 2-6, 6-4) успеа да го совлада шпанскиот тенисер Роберто Баутиста – Агут. Швајцарецот пред овој дуел имаше скор од 16-0 во сетови против Баутиста, а без поголеми проблеми го освои и 17-от.
Кон почетокот на вториот сет, Федерер направи брејк, и се чинеше дека ова ќе биде уште еден лесен натпревар за искусниот тенисер, но, Шпанецот се разбуди и почна да игра поагресивно, направи три брејка по што го освои сетот за 1-1 и го однесе мечот во третиот сет. Во одлучувачкиот сет беше неизвесно до 4-4, а потоа Швајцарецот направи брејк за 5-4 и на негов сервис стави точка на натпреварот.
За полуфинале ќе се бори со Кеи Нишикори, кој претходно го елиминираше Сем Квери со 2-0 (7-6, 6-4).
Австралијанецот Метју Ебден беше подобар од германскиот тенисер Петер Гојовжик со 2-0 (6-2, 6-3), и во четвртфиналето ќе го чека подобриот од пресметката која се игра во овие моменти, меѓу Хуан Мартин Дел Потро и Борна Чориќ.
Лична одлука, кавга со селекторот или обостран договор, се главните причини поради кои 15-тина светски фудбалски ѕвезди не играат за своите репрезентации. За многумина, играњето за својата земја е врв во кариерата, но таа фраза која често се користи, некои ја избегнуваат од причини кои не се толку спортски.
Кристијано Роналдо нема да игра за Португалија поради обвинувањата дека силувал жени. Меси, Банега, Ди Марија, Игуаин и Агеро, нема да го облечат дресот на Аргентина, како последица од неуспехот на Светското првенство, но одлуката им е привремена, како што и селекторот Скалони е привремен.
Бензема и Рабио се на „црната листа“ во француската репрезентација. Напаѓачот на Реал веќе три години не го викаат и веројатно веќе никогаш нема да заигра, а Рабио е казнет што не сакаше да биде во Б тимот пред СП. Озил повеќе ја сака Турција, и со тоа обвинување веќе не го викаат да игра за Германија. Тој одговори дека чувствува расизам кон него и не сака да игра за Германија.
Пике и Давид Силва решија да стават крај на репрезентативната кариера, па веќе не се кандидати за настап за Шпанија, исто како и Манџукиќ и Субашиќ во Хрватска. Жорди Алба не е прва опција за левата бековска позиција кај Енрике и тоа е изненадување, но и без Алба, на Шпанија засега добро ѝ оди.
Облак има повреда на рамото и побара да не игра за Словенија, додека не закрепне целосно. Во 2019 година, капитенската лента чека на него.
Приновата на Вардар, Германецот Кристијан Дисингер, се запозна со клубот во кој треба да остане најмалку две сезони. Неговите први реакции се дека со нетрпение очекува да заигра за Вардар и да се запознае со навивачите.
„По три години поминати во Кил, со сите подеми и падови, среќен сум што Вардар ми дава нова ракометна шанса. Кил има одлични фанови, но навивачите на Вардар се апсолутно број 1 во Европа. Јас навистина со нетрпение очекувам да ја запознаат ова земја, народот, културата, големите навивачи и целиот тим на Вардар. Ќе дадам сè за клубот и се надевам дека можам барем малку да придонесам во успешна сезона“ – изјави Дисингер.
Дебито во црвено-црниот дрес ќе го има на 16 октомври на гости против Загреб во СЕХА лигата, а во Скопје ќе може да заигра на 3 ноември во Лигата на шампионите против Мешков Брест.
Понудата на SPORT LIFE за денеска, нуди примамливи квоти за натпреварите од Лигата на нации, и серијата пријателски мечеви кои се играат низ светот. Издвојуваме пет натревари, три од Лигата на нации и два контролни, за кои мислиме дека се најинтересни во овој не баш „посен“ празничен четврток.
Секако на прво место е дуелот на двете земји кои до пред некоја година беа во заедничка држава, а потврдено е дека во ложата на стадионот во Подгорица ќе биде и тренерот Жозе Мурињо, кој бил поканет од Предраг Мијатовиќ.
Црна Гора – Србија (20.45 часот)
Според сите најави, треба да се очекува голови да дадат двете селекции, бидејќи во двата тима ќе фалат неколку значајни играчи. Гостите се поквалитетен тим, но домашните ќе бидат помотивирани, и можеби ќе имаат проблем да ја контролираат еуфоријата. Предност на Црна Гора е искуството на селекторот Тумбаковиќ кој му беше тренер на српскиот селектор Крстајиќ во Партизан.
Предлог тип: Х2 & 2-4 (2.20)
Полска – Португалија (20.45 часот)
Ова е меч на кој не би требало да има премногу голови поради ситуацијата со ѕвездите. Левандовски не е форма, од друга страна ќе го нема Кристијано Роналдо. После СП, двата тима одиграа два меча со 0-2 гола. Полјаците не забораваат дека беа елиминирани на пенали од Португалија на ЕП 2016.
Предлог тип: 1-3I&1-3II (2.20)
Франција – Исланд (21.00 часот)
Светскиот првак е голем фаворит против островјаните кои имаат низа од девет меча по ред без победа. Мбапе и Гризман треба да бидат гаранција дека „галските петли“ ќе дадат барем три кола, од кои најмалку еден во првото полувреме. Франција во 2018 година има само еден пораз, пролетоска во пријателски меч со Колумбија.
Предлог тип: Т1 1+I& T1 3+ (2.05)
Велс – Шпанија (почеток 20.45 часот)
Велшаните се непредвидливи, особено кога играат дома, но за нив голем хендикеп е отсуството на Герет Бејл. Од друга страна, Шпанија со новиот селектор Луис Енрике, славеше на „Вембли“ и на растури Хрватска со 6:0, па реално е добрите игри и победи да продолжат. „Црвената фурија“ 33 години нема гостувано во Кардиф и ова им е шанса да се реваншираат за тогашниот пораз од 0:3.
Предлог тип: 2-2 (2.15)
Русија – Шведска (21.45 часот)
„Единицата“ за мечот во Калининград се наметнува бидејќи Русите некако полесно ја пребродија смената на генерации, и имаат подобри резултати во последно време, отколку „викинзите“. Победата на гости кај Турција е голем чекор за Русите кон освојување на првото место во групата. Шведска има три порази по ред, од кои еден дома од Турција.
Предлог тип: 1 (2.12)
Денеска во трговскиот центар „Скопје Сити мол“ од 17 до 19 часот, Фудбалската федерација на Македонија организира настан преку кој може да се дојде до билет за саботниот меч помеѓу Македонија и Лихтенштајн од Лигата на нации.
Тоа што треба да се направи е заинтересираните да се фотографираат со маскотата „Риско“, потоа на „Фејсбук“ да ја озчачат групата Фудбалска Репрезентација на Македонија, да постираат #АјдеНаСтадион, и ќе освојат влезница.
Натпреварот се игра на 13 октомври со почеток во 20.45 часот, а пред средбата, ќе се одржи и церемонија во чест на составот кој во 1993 година во Крањ, Словенија, го игра првиот историски натпревар за националниот тим самостојна Македонија.
Македонскиот вицешампион, МЗТ Скопје Аеродром, од 18 часот во Копер, ќе игра дерби на АБА 2 лигата против Сикст Приморска, и евентуално освојување на два бода, ќе ја потврдат кандидатурата за влез во главната јадранска лига.
„Сино-белите“ од Аеродром добро го почнаа настапот во регионалното натпреварување со две домашни победи против Хелиос и Борац, но ова им е прв меч надвор, и тоа гостување кај еден од најголемите ривали во борбата за првото место. И Приморска со два триумфи ја почна сезоната.
Тренерот Ѓорѓи Кочов мисли дека Приморска е најсериозен кандидат за пласман во АБА лигата, и има екипа која добро би играла и во најдоброто регионално натпреварување.
„Квалитетно се пополнети на сите позиции, имаат екстра центарска линија и играат агресивно. Нормално, имаат и слабости во играта, кои ќе се обидеме да ги искористиме со максимално пожртвувана и агресивна игра. Имаме ситни повреди во тимот, но верувам дека ако ни се укаже шанса, ќе може да дојдеме до посакуваните бодови“, – изјави стратегот на МЗТ.
Љубомир Младеновски и Иве Иванов имаат играно во словенечки тимови и добро се познати за Приморска, а член на словенечкиот тим е крилниот центар Иван Маринковиќ, кој играше за МЗТ.
Мечот на колото ќе биде директно пренесуван на телевизијата Арена Спорт 2.
Приходите на Интер од досегашното играње во Лигата на шампионите се 44,3 милиони долари, а уште 10 милиони од продажба на билети на „Џузепе Меаца“.
Оваа позитивна финансиска ситуација ќе се подобрува и во наредниот период, ако се знае дека следуваат два домашни меча со Барселона и Милан, кога трибините ќе преполни.
Сопственикот на Интер, Џанг Џиндонг, е 13-ти најбогат човек во Кина, богатство од 14 милијарди долари, па за него можеби 54 милиони и не се премногу пари, но за клубот Интер, секако се, особено што ова се приходи за само еден ипол месец, а сезоната е долга.
Оваа сума е околу 20 проценти од зацртаниот буџет на клубот. Двете победи во ЛШ се голема стимулација, а десетте милиони за само пет домашни меча, се уште еден плус.
Новак Ѓоковиќ го порази Марко Чекинато со 6-4, 6-0 во осминафиналето на Мастерсот во Шангај, и со тоа му се реваншираше за поразот пред неколку месеци на гренд-слемот „Ролан Гарос“.
Србинот имаше проблеми на почетокот, па после петтиот гејм, направи кратка пауза за да ги смени патиките. Од тој момент, заигра многу подобро, при 3-3 направи брејк, доволен за да го земе сетот со 6-4. Ова делуваше стимулирачки за него, а депримирачки за противникот, па во вториот сет немаше никакцва неизвесност, и Италијанецот беше прегазен со 6-0.
Во четвртфиналето, Ѓоковиќ ќе се сретне со Кевин Андерсон, кој со 6-4, 7-6 беше подобар од Стефанос Циципас. Другото познато четвртфинале е Кајл Едмунд – Александер Зверев. И тие се од истата страна на жрепката, па еден од овие четворица (Ѓоковиќ, Андерсон, Зверев или Едмунд) ќе биде финалист.
Дисинер (203 см) веќе е во Скопје каде ќе ги мине лекарските прегледи пред да и се приклучи на екипата. Тој ќе биде првиот првиот германски репрезентативец што играл за Вардар.
Германецот ќе донесе свежина во играта на Вардар. Тој е седма принова на македонскиот првак сезонава.
Пред неколку дена, тој го раскина договорот со Кил со кој го освои германскиот Куп, а исто така како член на репрезентацијата на Германија, во 2016 година стана европски сениорски првак. Со репрезентацијата го освои и бронзениот медал на Летните олимписки игри во 2016 година.
Во својата кариера има настапувано за екипите на ТСГ Фреизенхајм (2008-2011), Кадетен (2011-2013), Нептуно (2013), Либек (2015-2015) и од 2015 година за Кил. За Кил има одиграно 130 натпревари и постигна 235 гола.
Спорт Манија е портал наменет за љубителите на спортот кој почна со работа на 14 септември 2018 година.
Контакт: contact@sportmanija.mk
Спорт Манија © 2018-2023
