Дома Blog Страница 10540

Повредата на Младеновски значи поголем простор за Крстевски

Златко Јуруковски
-
0

Селекторот Јорданчо Давитков нема да смета на Љубомир Младеновски за неделниот дуел против Косово, па ротацијата на центарската позиција ќе биде сведена на Шејн Витингтон, Бојан Трајковски и Бојан Крстевски, а како крилни центри ќе бидат и Андреј Маслинко и Стојан Ѓуроски. Крстевски од Работнички е човекот кој ќе треба да го покрие неиграњето на Младеновски. Тој има искуство и знаење да помогне кога селекторот ќе процени дека има потреба од него.

Младеновски има скршеница на коска во дланката и нема да може да игра до нова година. Ова е хендикеп за репрезентацијата, но уште поголем за МЗТ Скопје Аеродром, каде што Бубе е единствен класичен центар. Особено во домашното првенство ќе биде проблем, Младеновски игра повеќе поради правилото за задолжителен настап, но и во АБА 2 на „металците“ им претстојат мечеви на кои присуството на Младеновски ќе беше од полза.

Националниот тим од денеска е во Гевгелија, „црвено-жолтите“ ќе тренираат во „26 Април“, каде што во недела, од 17.45 часот ќе си ги одмерат силите со Косово во меч од претквалификациите за Евробаскетот 2021.

 

Еибар ќе докажува дека победата над Реал не е случајна

Златко Јуруковски
-
0
Еибар ќе докажува дека победата над Реал не е случајна

Фудбалската понуда во овој петок носи разновидност и голем избор, а како и секогаш, ви нудиме и привлечни квоти на денот од SPORT LIFE. Овие прогнози треба да се земат предвид. Издвојуваме пет натревари од пет различни лиги, денеска е најавата за богат викенд во клупскиот фудбал, а со мини-анализи ви помагаме при одлучувањето што да уплатите.

Фортуна Дизелдорф – Мајнц (20.30 часот)

Фортуна е преполна со самодоверба откако ја растури Херта, а потоа како гостин освои бод и му даде три гола на Баерн. Поради лошиот старт, тимот од Дизелдорф е претпоследен. Овие два тима последен пат играле меѓусебе пред пет години, а од девет пресметки, само една била „гол-гол“.

Предлог тип: 1-3 I & 1-3 II (1.95)

 

Сент Етјен – Нант (20.45 часот)

„Светците“ по поразот од Лион, загубија и во Лига купот од Ним на пенали, но пред своја публика Сент Етјен не знае за пораз на последните седум меча. Нант е во добра серија од шест меча без пораз, но кај Сент Етјен за последен пат славеле во 2000 година, а традицијата најавува и малку голови.

Предлог тип: 1 & 0-4 (2.40)

 

Рајо Валјекано – Еибар (21 часот)

Мадридскиот тим во минатото коло стана екипа со најлоша одбрана во лигата, на четири меча по ред прима два или повеќе голови, а веќе на десет натпревари едноподруго нема победа. Еибар го разби Реал во минатото коло и се најде на средина на табелата. Сите сигнали најавуваат победа на гостите, но прашање е дали ќе има многу голови, со оглед на негативната традиција во тој сегмент.

Предлог тип: Х2 & 2+ (1.90)

 

Кардиф – Вулверхемптон (21 часот)

Велшкиот тим е претпоследен на табелата, од 13 меча има само две победи и дури девет порази, додека „волците“ се на 11-то место, а поразот од Хадерсфилд во минатото коло им беше петти меч по ред во кој не успеаја да остварат триумф. Вулфс игра добро на гости, од последните шест гостувања, загуби само едно.

Предлог тип: Х (3.10)

 

Палермо – Беневенто (21 часот)

Екипата на Несторовски и Трајковски има само еден пораз сезонава, а Беневенто четири и падот кај ланскиот прволигаш е видлив. Палермо како домаќин и лидер во Серија Б има улога на фаворит, но Беневенто има дадено 22 гола, исто колку и Палермо. Беневенто пет меча по ред има гол-гол и 3+, додека во меѓусебните дуели секогаш има голови, но не повеќе од три.

Предлог тип: 2-3 гола (1.98)

Металурзите „ранети“ заминаа од Нови Сад за Словачка

Златко Јуруковски
-
0

Ракометарите на Металург и нивниот тренер Данило Брестовац се пожалија дека Војводина играла доста грубо и тоа придонело за поразот во мечот од СЕХА-лигата, а доказ за нечистата игра на новосаѓани се скинатата аркада на Јагуриноски и пукнатиот нос на Пучник.

По гостувањето кај Војводина, „металурзите“ не се вратија дома, туку од северот на Србија продолжија накај Словачка, каде што утре играат натпревар од Лигата на шампионите против Татран Прешов.

„Верувам дека натпреварот во некои моменти беше премногу груб. Според моето мислење,  противниците играа премногу агресивно. Честитки за Војводина за победата, но, повторувам, тие беа премногу агресивни во обидот да го компензираат фактот дека не можеа да сметаат на пет повредени играчи“, рече Брестовац. 

Со тренерот се согласи и Александар Шпенде.

„Војводина беше доста агресивна во одбраната и ние не можевме да одговориме на тоа. Постигнавме 30 гола, но на крајот сепак загубивме. Чувствувам дека треба да поработиме и на офанзивниот и на дефанзивниот дел од нашата игра“, изјави Словенецот. 

Разликата од „Монументал“ до „Бернабеу“ е монументална

Златко Јуруковски
-
0

Не само географски (оддалечени се 10.000 километри и авионското патување трае речиси 12 часа), туку има и други сериозни разлики од стадионот и градот во кој требаше да се игра реваншот од финалето на Копа Либертадорес и местото каде што на деветти декември ќе се игра.

Од Буенос Аирес до Мадрид има голема разлика во километражата, има разлика во капацитетот на стадионите (Сантијаго Бернабеу е за 20.000 седишта поголем од Монументал), иако Ривер, секако, би играл на својот терен, а интересно е што димензиите на теренот се исти, 105 на 68 метри, и тоа нема да претставува проблем за Ривер.

Разликата е и во тоа што ќе има навивачи на двата клуба, а да се играше на „Монументал“, ќе присуствуваа само домашни, како што на првиот меч беа само фанови на Бока. Но, се чини дека најголемиот проблем ќе биде температурната разлика и тимовите ќе треба да дојдат во Мадрид порано за да се прилагодат. Во овој период од годината, во Аргентина температурата е над 25 степени и не паѓа под 13, а во Мадрид во декември преку ден е 10-15, а ноќе паѓа и до минус еден.

Претседателот на КОНМЕБОЛ, Алехандро Домингес, рече дека Мадрид бил избран бидејќи има голем аеродром со директни летови до Буенос Аирес, доволно сместувачки капацитети и што таму живеат многу Аргентинци (околу 250.000), кои ќе имаат ретка прилика да ги гледаат двата најпопуларни клуба од нивната земја. Реал Мадрид гратис им го дал стадионот на користење, а иако имаше најави за делегирање шпански судија, сепак арбитер ќе биде Парагваец.

Корона е изненадување во Полска, но не и за Легија

Зоран Поповски
-
0

Панче Ќумбев го прифати предизвикот за викенд-програмата во Европа и одбра сложена задача да ги анализира и типува дерби-натпреварите во пет различни првенства.

Корона Кјелце е хит во Полска, но нема да ја изненади мојата Легија, вели поранешниот играч на гигантот од Варшава и типува дека Легија ќе ги освои бодовите.

Двете екипи се во топ 5 во популарната Екстракласа, а на менито на Ќумбев се уште четири дуели од четири различни првенства.

Еве ги предлог-типовите на нашиот поранешен репрезентативец:

 

Штутгарт –Аугсбург (сабота, 15.30 часот)

Штутгарт едноставно мора да победи на овој натпревар. Последен е на табелата, а на гости му доаѓа не толку убедливиот гостин Аугсбург. Иако Штутгарт е најслаб домаќин досега во Бундеслигата, очекувам да ја прекине серијата од 4 меча без победа на домашен терен против ривалот во 13-тото коло во германското првенство.

Предлог тип: 1 (2.60)

 

Легија  – Корона Кјелце (сабота, 20.30 часот)   

Мислам дека Легија е фаворит на овој натпревар, игра на свој терен и пред фантасична публика. Од друга страна, Корона е доста солидна оваа сезона и е вистинско позитивно изненадување во полската Екстракласа. За мене фаворит е мојата Легија. Типувам победа на домаќинот со најмалку два гола во мрежата на тимот од Кјелце.

Предлог тип: 1&Т1 (2.25)

 

Реал Мадрид – Валенсија (сабота, 20.45 часот) 

Иако направи кикс последното коло во шпанското првенство, Реал на мечот против Рома во Лигата на шампионите покажа дека сепак е на вистински колосек со Сантијаго Солари. Последните 10 меѓусебни дуели на двата тима беа многу ефикасни, сите се со три или повеќе голови. Верувам во победа на европскиот првак и да продолжи традицијата на ефикасни пресметки на Реал и Валенсија.

Предлог тип: 1&3+ (1.95) 

 

Арсенал-Тотенхем (недела, 15.05 часот)  

Дерби на колото во Англија. Дуелите на ривалите од Северен Лондон секогаш се примамливи, а верувам во отворен фудбал и најмалку три гола на натпреварот. Формата на Арсенал и Тотенхем го најавува тоа.

Предлог тип: 3+ (1.60) 

 

Рома – Интер (недела, 20.30 часот)     

Дерби во калчото. Меѓутоа, доаѓа можеби во најлош момент за Рома поради променливата форма, но и поради многуте повредени играчи. И Интер игра по принципот „топло-ладно“ и затоа на овој натпревар нема фаворит, па ќе се обидам најмалку со по еден гол на двете страни.

Последните пет дуели на Рома и Интер беа со „гол-гол“, сега и двете екипи ќе сакаат да се рехабилититраат по поразите во Лигата на шампионите, а домаќинот и не смее да калкулира бидејќи заостана во битката за позиции во првите пет во Серија А. Интер е во слична позиција и не смее да си дозволи кикс ако сака да ги задржи шансите за освојување на титулата во конкуренција на првиот фаворит Јувентус и Наполи.

Предлог тип: ГГ (1.57)

 

Дончиќ остана без СП и Олимписки игри, ќе се фокусира на НБА

Златко Јуруковски
-
0

Репрезентацијата на Словенија во кошарка е актуелен европски првак, но не успеа да се пласира на завршницата од Мундобаскетот во Кина 2019, што значи дека нема да се појават ниту на олимпискиот турнир во Токио, во 2020 година. Ова е неуспех за Словенија, но новиот систем на квалификации и неиграњето на играчите од НБА и Евролигата си го направија своето.

Една од жртвите на ФИБА е Лука Дончиќ. Ланскиот МВП на Евролигата, а сега еден од двајцата кандидати за дебитант на сезоната во НБА, нема да игра за својата репрезентација на големо натпреварување барем до 2021 година. Ова значи дека има три години целосно да се фокусира на градење кариера во најсилната лига на светот.

И во САД се запознаа со европското „чудо од дете“, кое на 19 години игра како лидер, без никакви комплекси. Молчат сите кои не веруваа во него. Лука е одличен и во НБА, се снајде добро и продолжува таму каде што застана како играч на Реал Мадрид.

Во септември 2017 стана европски првак со Словенија, беше еден од најзаслужните, заедно со Горан Драгиќ и Ентони Рендолф, а можеби во циклусот квалификации за ЕП, Словенија ќе биде во иста група со Македонија, па тој би можело да се појави и во нашата земја.

Спортска прогноза: ПСВ на тежок тест во Ротердам

Златко Јуруковски
-
0

Викендов меѓу понудените парови на Спортската прогноза се наоѓа и едно од најголемите холандски дербија, пресметката на Феенорд и ПСВ Ајндховен.

Гостите се лидери на табелата со максимални 39 бода од 13 кола и ќе сакаат да ја продолжат триумфалната низа. Но, прво ќе треба да го заборават поразот од Барселона во Лигата на шампионите, по кој се зацврстија на дното, без шанси за место во Лигата на Европа.

Мотивите на Феенорд се да станат првиот тим кој ќе му одземе бодови на ПСВ. Ако победи, Феенорд ќе остане трет на табелата, но ќе има „само“ 10 бода помалку од тимот од Ајндховен. Најавите се дека во составот на Феенорд би можело да се појави и Робин ван Перси.

Ова се два тима кои немаат нерешено во последните пет меча во сите натпреварувања, а во меѓусебните лигашки пресметки, од веќе далечната 2010 година не било нерешено. Публиката на „Де Кајп“ ќе биде 12-тиот играч на домашните. Гордоста на клубот од градот со најголемото пристаниште е голема и ПСВ сигурно нема лесно да дојде до посакуваната цел.

Сѐ уште ја чекаме првата 12-ка, која носи и освојување на мобилен телефон „самсунг А6“. Дали токму овој викенд ќе имаме перфектен прогнозер, останува да чекаме до понеделник. Секако, ќе има и вредносни ваучери за сите кои до крајот на викендот ќе погодат 11, 10 или 9 парови на СПОРТСКА ПРОГНОЗА.

По успешната прогноза ќе ви се прикажат вашите типувања. Сите прогнози за тековното коло, вклучувајќи ја и вашата, можете да ги погледнете тука.

Нов меч, нов рекорд за Леброн Џејмс

Томас Ѓорѓиевски
-
0

ЛА лејкерс ноќеска во „Стејплс центарот“ ја забележаа 12-тата овосезонска победа, совладувајќи го тимот на Индијана пејсерс со 104:96. Леброн Џејмс ги предводеше „езерџиите“ до новиот триумф, а со својот учинок од 38 поени напредна на вечната листа по бројот на натпревари на кои успеал да постигне 30 или повеќе поени.

„Кралот“ го надмина Карл Мелоун во оваа статистика, сега е трет, а брои вкупно 436 натпревари со постигнати 30+ поени. Пред него се само Мајкл Џордан со 562 меча и Вилт Чембрлен со 512 натпревари.

Против Пејсерс, Џејмс шутираше 15/27 од игра, 2/7 за три поени, 6/10 од линијата за слободни фрлања, а врза девет скока, седум асистенции и две украдени топки.

Дел Боске: Без Меси во топ 3, Златната топка ја губи вредноста

Томас Ѓорѓиевски
-
0

Лионел Меси годинава нема да конкурира за најпрестижната индивидуална награда – Златна топка. Предност пред Аргентинецот добија Лука Модриќ, кој е главен фаворит, Рафаел Варан, Килијан Мбапе, а се наметнува и Антоан Гриезман.

Петкратниот освојувач на оваа награда нема да добие шанса да ја освои рекордната шеста Златна топка, иако од почетокот на сезонава Лео брилјира со настапите во дресот на Барселона. Со овој избор не се согласува поранешниот селекторот на Шпанија, Висенте дел Боске.

„Изненаден сум што Меси не е меѓу топ 3. Сметам дека наградата ја губи вредноста што Лео не се најде во потесниот избор. Во најмала рака, овој избор е чуден“, истака Дел Боске.

Иако Меси потфрли на Мундијалот, каде што со Аргентина успеа да стигне само до осминафинале, за разлика од фаворитот Модриќ, ѕвездата на Барса е во извонредна форма откако започна сезоната 2018/19. На 14 средби во Ла Лига и во Лигата на шампионите, Меси брои 15 погодоци и шест асистенции. Како и секогаш, тој е фактор „X“ за шпанскиот првак.

Престижната награда на „Франс фудбал“ ќе биде доделена на 3-ти декември во Париз.

Друже, извини што ти го скршив забот (видео)

Томас Ѓорѓиевски
-
0

Се играше 13-тата минута од третиот период на мечот помеѓу Бостон бруинс и Њујорк ајлендерс, кога при еден судар Дејвид Крејчи остана без заб. Играчот на Њујорк, Џон Бојчук, со класичен „бодичек“ се обиде да спречи контра-напад на противникот, па не сакајќи му го скрши забот на Крејчи.

Бојчук подоцна успеа да го најде забот и му го врати на својот некогашен клупски колега.

1...10.53910.54010.541...10.831Страна 10.540 од 10.831