Дома Blog Страница 10602

Сопственикот на Монако притворен поради корупција

Златко Јуруковски
-
0

Рускиот бизнисмен Дмитри Риболовљев, кој е сопственик на клубот Монако, денеска е приведен од француската полиција поради корупција и судир на интереси. Тој разменувал смс-пораки и се обидувал да подмити судии и ексминистер за правда да бидат на негова страна во судењето со еден швајцарски бизнисмен.

Ова е нов удар за Монако, кому ништо не му оди од рака, во француската лига е на дното само со една победа, а и во Лигата на шампионите реди порази, од кои најсрамен беше овој вечерашниот од Бриж со 0-4.

Сигурно и веста за апсењето на сопственикот негативно влијаеше врз екипата на тренерот Тјери Анри, па Монако претрпе дебакл. Покрај Риболовљев, за овој случај се приведени уште неколку лица.

Црвена ѕвезда направи сензација против Ливерпул, нова бламажа на Монако

Томас Ѓорѓиевски
-
0

Црвена ѕвезда забележа историска победа од 2-0 против Ливерпул, пред преполниот стадион „Рајко Митиќ“ во Белград. Во рамките од четвртото коло во групната фаза во ЛШ, српскиот првак го забележа и првиот триумф по четири средби, благодарение на двојниот стрелец Милан Павков.

Домаќините за првото славење стигнаа во 22-та минута, кога голгетерот на Ѕвезда беше највисок во скокот по изведениот корнер, а Павков со глава погоди експлозија на трибините на популарната „Маракана“. Седум минути подоцна, по еднен контранапад на „црвено-белите“, Павков без многу колебање испрати удар од дваесетина метри кон голот на гостите и го матираше Алисон со прекрасен погодок.

Ливерпул во продолжението во неколку наврати се обидуваше да се врати резултатски, но одбраната и голманот на домаќините одолеаја на секој напад од „црвените“, за на крајот Ѕвезда да издвои сензационална победа против актуелниот европски вицешампион.

Монако претрпе нов срам пред своите навивачи откако Клуб Бриж ги совлада „кнезовите“ со 4-0. Гостите веќе по првите 45 минути имаа убедлива предност од три гола, Ванакен погоди два пати, а потоа и Весли. Конечниот резултат го постави Вормер во 85-тата минута од средбата.

Кавси одлучија, Дру на клупата до крајот на сезоната

Томас Ѓорѓиевски
-
0

Лери Дру ќе го предводи тимот на Кливленд кавалирс до крајот на сезоната, откако управата на франшизата од Охајо одлучи да му даде шанса. Дру и официјално стана наследник на Тајрон Лу, кој заедно со неговата десна рака пред извесно време добија отказ.

По катастрофалниот почеток на сезоната, Дру е човекот кој придонесе за Кливленд да ја запише првата победа, но и натаму нивниот учинок е ужасен, поточно 1-9. Тој доби договор според кој е назначен за привремено решение до крајот на сезоната, но може да се задржи уште една година, во зависност од резултатите кои ќе ги оствари тимот.

Кавалирс значително се ослабени оваа сезона откако им замина првата ѕвезда Леброн Џејмс, кој кариера ја продолжи во Градот на Ангелите, во дресот на Лејкерси.

Познат списокот на тимот У-19 за претквалификациите во Чешка

Златко Јуруковски
-
0

Македонската репрезентација за фудбалери до 19 години од 14-ти до 20-ти ноември во Кромериц, Чешка, ќе го одигра квалификацискиот турнир за пласман во елитната фаза на УЕФА. Нашата селекција е во група со Чешка, Хрватска и Луксембург.

Првиот меч е против Хрватска, потоа со Чешка, а на крајот со Луксембург. Место во елитната фаза од квалификациите за ЕП обезбедуваат двете најдобри репрезентации од групата.

Селекторот Горан Станковски за турнирот во чешки Кромериц ќе смета на следните фудбалери:

ГОЛМАНИ: Бојан ТИМЕВСКИ (Саса Каменица), Стефан ЈАКИМОВСКИ (Њу Старс), Методија ВЕЛКОВСКИ (Вардар);

ОДБРАНА:  Зоран ИВАНОВСКИ (Академија Пандев), Христијан ДИМОВ (Интер Запрешиќ, Хрватска), Филип АНТОВСКИ (Вардар), Џејми ПЕРЧЕВСКИ (Фортуна Дизелдорф, Германија), Стефан СИМОНОВСКИ (Генц Калемлер), Стефан НАУМЧЕСКИ (Вардар);

СРЕДЕН РЕД: Бесник ФЕРАТИ (Партизани, Албанија), Анес ОСМАНОСКИ (Унтерахинг, Германија), Томче ГРОЗДАНОВСКИ (Тренчин, Словачка), Али АДЕМ (Вардар), Енис ФАЗЛАГИЌ (Жилина, Словачка), Алекс ТАЛЕСКИ (Вардар);

НАПАД: Јакуп БЕРИША (Вардар), Марио НАУМОСКИ (Победа), Сухел МУАРЕМИ (Шкупи), Марко Ѓоргиевски (Борец), Бојан КОЛЕВСКИ (Борец), Дарко ЧУРЛИНОВ (Келн, Германија);

„Верувам во фудбалерите и убеден сум дека ќе дадат сѐ од себе да се бориме за пласман во следната фаза квалификации. Имавме доволно време да се запознаеме и да се подготвиме за предизвикот кој го носи овој турнир. Наша цел е пласман на едно од првите две места, иако како главни фаворити и според квалитетот и според рејтингот се издвојуваат Чешка и Хрватска. Имаме одлични поединци во тимот, но колективот мора да биде на прво место доколку сакаме да оствариме позитивни резултати“, изјави селекторот.

„Бомбата“ на Павков за ерупција на „Маракана“ (видео)

Томас Ѓорѓиевски
-
0

Вистинска ерупција се случи на стадионот „Рајко Митиќ“ во Белград, каде што на средбата меѓу Црвена ѕвезда и Ливерпул резултатот е 2-0 по првото полувреме. Во 25-тата минута, напаѓачот на домаќините, Милан Павков, го постигна својот втор гол на средбата, а погодокот беше вистински убавец.

Од далечина речиси од 20 метри, Павков не се двоумеше да го издави максимумот од голманот на „црвените“ и ја смести топката во мрежата, гол по кој присутните на стадионот „паднаа во транс“.

https://www.dailymotion.com/video/x6wrmgs

Кожув поразен од албанската Теута во БИБЛ

Златко Јуруковски
-
0

Кожув е поразен од албанската Теута со 85:94 во мечот од регионалната Балканска лига (БИБЛ) во кошарка. За гевгеличани, ова беше втор настап сезонава и втор пораз, додека Теута има 3-0, а ова им беше прво гостување и прв успех.

По 30 минути игра, гостите имаа 16 поени плус, но Кожув заигра одлично, ја стопи негативата и на три и пол минути пред крајот, дојде на 81-84. Сепак, по тајмаутот, улогите се сменија, Теута реализираше во наредните четири напади и се одлепи на 81-92, со што го одлучи победникот.

Пековиќ со 23 поени беше најефикасен во поразениот тим, Радуловиќ даде 16, а Мишковиќ и Караколев по 13. Кај гостите, тројца поединци имаа 20 или повеќе поени.

Кожув имаше повеќе скокови и асистенции, малку подобра реализација на шут, но и десет загубени топки повеќе, што беше клучно бидејќи Теута даде многу лесни поени од контранапади. Наредниот настап на тимот на тренерот Павле Николов во БИБЛ е на 14-ти ноември, на гости кај косовскиот претставник Башкими.

Лукаку го пропушта Јувентус

Томас Ѓорѓиевски
-
0

Напаѓачот на Манчестер јунајтед, Ромелу Лукаку, не допатува за Торино со остатокот од тимот во пресрет на реванш-средбата против Јувентус во Лигата на шампионите. Белгиецот се мачи со повреда, па така, на последните подготовки тој не присуствуваше на тренингот, што е знак дека не е комплетно подготвен за настап.

Претходно ги пропушти и двата последни меча во Премиер лигата, во кои „црвените ѓаволи“ издвоија две победи, против Евертон и Борнмут.

„Потребни му се уште неколку дена за да закрепне. Не знам што точно се случи, мислам дека се повреди на тренинг, па ќе мора да чекаме уште малку за Лукаку да се врати во тимот“, истакна Мурињо.

Средбата е предвидена за утре, со почеток од 21 часот.

Надал успешно опериран

Томас Ѓорѓиевски
-
0

Рфаел Надал денес се огласи преку социјалните мрежи дека успешно ја минал операцијата на зглобот од десната нога. Повредата која го спречи да се натпреварува на Мастерсот во Париз и која го натера да се откаже од АТП-финалињата во Лондон, Шпанецот ја санираше и сега ќе биде потребно време да се рехабилитира.

Токму поради тоа, Надал мораше да го откаже хуманитарниот натпревар наменет за поплавите кои неодамна го зафатија градот Мајорка. Засега е неизвесно дали ќе го откаже и егзибицискиот меч против Новак Ѓоковиќ, кој е закажан за 22-ри декември, а треба да се одигра во Саудиска Арабија.

„Ви благодарам за сите пораки и поддршката, операцијата помина добро. Сепак, принуден сум да го откажам хуманитарниот настан кој е организиран за помош на оние кои настрадаа во поплавите кои се случија во Мајорка“, истакна Надал на „Твитер“.

Вториот светски рекет претходно, поради повреда на коленото, се откажа во полуфиналето на Отвореното првенство на САД, а потоа го пропушти и Мастерсот во Шангај. Дополнителни проблеми му правеа и болките во стомачните мускули, што беше една од причините што се откажа и турнирот во Париз.

Погледнете ги сите погодоци на вечерашните натпревари од ЛШ (видео)

Томас Ѓорѓиевски
-
0

*Крај на натпреварите:

Атлетико Мадрид – Б. Дортмунд 2-0

Интер – Барселона 1-1

Наполи – ПСЖ 1-1

Порто – Локомотив Москва 4-1

Шалке – Галатасарај 2-0

Тотенхем – ПСВ 2-1

*ГОООООООООООООООООООЛЛЛЛЛ 90+3‘ – Порто со гол во последната минута ги постави конечните 4-1 против Локомотив Москва

*ГОООООООООООООЛЛЛЛЛЛ 89‘ – Тотенхем прави комплетен пресврт од 2-1 против ПСВ во последните минути, Кејн повторно стрелец

*ГОООООООООООООЛЛЛЛЛЛ 87‘ – Малку траеше радоста на Барселона, Икарди израмни на 1-1

https://www.dailymotion.com/video/x6wrwet

*ГОООООООООООООЛЛЛЛЛ 80‘ – Гризман ја зголемува предноста на Атлетико на 2-0 против Дортмунд

https://www.dailymotion.com/video/x6wrwas

*ГООООООООООООООЛЛЛЛ 83‘ – Малком со својот прв гол во дресот на Барселона носи радост за „каталонците“ против Интер

https://www.dailymotion.com/video/x6wrw9d

*ГОООООООООООООЛЛЛЛ 78‘ – Тотенхем конечни израмни против ПСВ на 1-1, Кејн погоди за „петлите“

*ГОООООООООООООООЛЛЛЛЛЛ 67‘ – Корона носи удобна предност за Порто од 3-1 против Локомотив од Москва

https://www.dailymotion.com/video/x6wrvmr

*ГОООООООООООООЛЛЛ 62‘ – Инсиње од пенал израмнува на 1-1 против ПСЖ

https://www.dailymotion.com/video/x6wrvhw

*ГОООООООООООООЛЛЛЛЛ 59‘ – Локомотив Москва ја намалува предноста на Порто на 2-1, голот за гостите го реализираше Фарфан

https://www.dailymotion.com/video/x6wrv9o

*ГОООООООООООЛЛЛЛЛЛЛ 57‘ – Шалке води и со 2-0 против Галатасарај, Ут прецизен за домаќините

https://www.dailymotion.com/video/x6wrv1v

*Полувреме: Атлетико Мадрид 1-0 Борусија Дортмунд; Интер 0-0 Барселона; Наполи 0-1 ПСЖ; Порто 2-0 Локомотив Москва; Шалке 1-0 Галатасарај; Тотенхем 0-1 ПСВ

*ГОООООООООООООООЛЛЛЛЛ 45+2‘ – ПСЖ на неколку секунди пред паузата успева да поведе против Наполи со 1-0, стрелец на голот, Бернат

https://www.dailymotion.com/video/x6wrtkp

*ГОООООООООООЛЛЛЛЛЛ 43‘ – Марега зголеми на 2-0 во корист на Порто против Локомотив

https://www.dailymotion.com/video/x6wrtbq

*ГОООООООООООЛЛЛЛ 33‘ – Саул му носи водство на Атлетико Мадрид од 1-0 против Борусија Дортмунд

https://www.dailymotion.com/video/x6wrstn

*По првите 25 минути, мируваат мрежите на средбите Наполи – ПСЖ, Атлетико Мадрид – Борусија Дортмунд и Интер – Барселона, додека на останатите мечеви, ПСВ, Шалке и Порто водат со по 1-0 против Тотенхем, Галатасарај, односно Локомотив Москва

*ГОООООООООООЛЛЛЛЛЛ 4‘ – Бургсталер прецизен за предност од 1-0 за Шалке против Галатасарај

*ГООООООООООООООЛЛЛЛЛ 2‘ – Порто поведува со 1-0 против Локомотив Москва, стрелец на голот Ерера

*ГОООООООООООЛЛЛЛЛЛ 2‘ – ПСВ го изненадува Тотенхем по само две минути игра на „Вембли“, резултатот е 0-1 за Холаѓаните по голот на Де Јонг

https://www.dailymotion.com/video/x6wrr70

*Крај на натпреварите: Црвена звезда 2-0 Ливерпул; Монако 0-4 Клуб Бриж

*ГОООООООООООООЛЛЛЛЛ 85‘ – Клуб Бриж го растури Монако, резултатот веќе е 4-0 по голот на Вормер

*Официјални состави:

Интер – Барселона

Интер: Хандановиќ, Врсаљко, Де Вриј, Миранда, Асамоа, Весино, Брозович, Најнголан, Перишиќ, Политано, Икарди.

Барселона: Тер Штеген, Роберто, Пике, Ленгле, Алба, Бускетс, Артур, Ракитиќ, Кутињо, Дембеле, Суарез.

Атлетико Мадрид – Борусија Дортмунд

Атлетико: Облак, Хуанфран, Хименез, Лукас, Фелипе Луиз, Томас, Родри, Саул, Кореа, Гризман, Калиниќ.

Дортмунд: Бурки, Хакими, Аканжи, Топрак, Пишчек, Делејни, Витсел, Санчо, Ројс, Пулишиќ, Алкасер.

Наполи – ПСЖ

Наполи: Оспина, Максимовиќ, Албиол, Кулибали, Руи, Алан, Руиз, Хамшик, Калјехон, Мертенс, Инсиње.

ПСЖ: Буфон, Керер, Макрињос, Тијаго Силва, Бернат, Дракслер, Верати, Ди Марија, Мение, Мбапе, Нејмар, Кавани.

Тотенхем – ПСВ

Тотенхем: Газанига, Орие, Санчез, Алдервајлд, Дејвис, Винкс, Али, Сон, Ериксен, Лукас, Кејн.

ПСВ: Цоет, Виргевер, Шваб, Ангелино, Переиро, Хендрикс, Де Јонг, Лозано, Бергвијн, Росарио, Дамфрис.

Шалке – Галатасарај

Шалке: Нубел, Настасиќ, Ут, Руди, Стамбули, Калиџури, Бургстелар, Харит, Сане, Шоф, Емболо

Галатасарај: Муслера, Фереира, Азиз, Родригез, Белханда, Гумуш, Линес, Донк, Ндиаје, Онјекуру, Кабак

Порто – Локомотив Москва

Порто: Касилјас, Макси Переира, Милитао, Брахими, Торес, Марега, Телес, Ерера, Корона, Данило, Фелипе

Локомотив: Гилерме, Идову, Фернандес, Хеведес, Криховјак, Миранчук, Чорлука, Игнатиев, Едер, Денисов, Миранчук

*Полувреме: Црвена звезда 2-0 Ливерпул; Монако 0-3 Клуб Бриж

*ГООООООООООООООООЛЛЛЛЛ 29‘ – Павков зголемува на 2-0 во корист на „црвено белите“ против Ливерпул. Фантастичен погодок на напаѓачот на Звезда, Алисон немаше шанси

*ГООООООООООООЛЛЛЛЛЛ 24‘ – Бриж го зголеми водството против Монако на 3-0, стрелец на голот Весли.

*ГООООООООООЛЛЛЛЛЛЛЛ 22‘ – Црвена Звезда води со 1-0 против Ливерпул со голот на Милан Павков. Павков беше највискок по изведениот корнер на домаќините.

https://www.dailymotion.com/video/x6wrm1i

*17‘ – Стариџ промаши во непосредна близина пред голот на домаќините, Англичанецот можеше да им донесе рано водство на „црвените“

*ГООООООООООООООЛЛЛЛ 17‘ – Ванакен од белата точка го постигнува вториот гол на средбата за двојно водство на Бриж против Монако, 0-2

https://www.dailymotion.com/video/x6wrm6x

*ГОООООООООООЛЛЛЛЛ 12‘ – Клуб Бриж поведува против Монако со 1-0, Ванакен стрелец на првиот гол вечерва.

https://www.dailymotion.com/video/x6wrlds

 

*Официјални состави:

Црвена звезда – Ливерпул

Звезда: Борјан, Стојковиќ, Дегенек, Савиќ, Родиќ, Крстичиќ, Јованчиќ, Марин, Бен, Срниќ, Павков.

Ливерпул: Алисон, Александре – Арнолд, Ван Дајк, Матип, Робертсон, Лалана, Милнер, Вајналдум, Салах, Мане, Стариџ.

 

Монако – Клуб Бриж

Монако: Бенаљо, Сидибе, Жемерсон, Глик, Барека, Тилеманс, Чадли, Аит Бенасер, Сила, Диоп, Фалкао.

Бриж: Хорват, Денсвил, Мечеле, Пулин, Мата, Вормер, Накамба, Риц, Диата, Ванакен, Весли.

 

Лигата на шампионите се враќа на големата сцена во пресрет на четвртото коло од групната фаза. Веќе стана обичај, два натпревари започнуваат во 18:55 часот, останатите шест во терминот од 21 часот.

Највозбудливиот дуел се очекува да биде оној на „Џузепе Меаца“ во Милано, средбата меѓу Интер и Барселона, а секако има и уште неколку интересни дуели како Атлерико Мадрид против Борусија Дортмунд, и Наполи против ПСЖ.

Познати се и официјалните состави на двата натпревари кои треба да започнат за педесетина минути, односно средбите меѓу Црвена звезда и Ливерпул, како и Монако против Клуб Бриж.

Германски комичар си игра мајтап со Роналдо (Видео)

Златко Јуруковски
-
0

Комичарот Маце Кноп на хумористичен начин им претстави на гледачите како изгледа еден ден на Кристијано Роналдо во Торино. Кноп посети неколку култни места во Торино, меѓу кои и кафуле во кое ѕвездите пијат еспресо или продавница на Јувентус.

Кноп се внесе во улогата на Роналдо, зборува мешано италијански, португалски и германски, секако со португалски нагласок, постојано си ја мести фризурата, а откако проба едно палто од кашмир, не сакаше да го купи затоа што според Роналдо, би било многу ефтино, иако цената е 3.500 евра.

Погледнете го првиот дел од сеирот, за утре се најавува втор дел:

1...10.60110.60210.603...10.806Страна 10.602 од 10.806