Дома Blog Страница 10686

Хабиб со пица и другари гледа како го истепа Мекгрегор (Видео)

Трајан Маневски
-
0

Хабиб Нурмагомедов го победи Конор Мекгрегор и сега не престанува да провоцира. Откако се испотепа со дел од членовите во тимот на Ирецот, сега Нурмагомедов упати нова, но овојпат ненасилна провокација.

Дагестанецот се врати дома, каде што го пречекаа пријателите. Без да губат многу време, Хабиб и другарите нарачале пица и се собрале повторно сите заедно да ја гледаат борбата против Мекгрегор. Хабиб смирено седеше и гледаше додека сите околу него беа многу повозбудени, бидејќи се во друштво на непобедливниот шампион.

https://twitter.com/kw_ismail/status/1049106625687162881

 

Ефикасните „јарци“ најавуваат нова голеада

Зоран Поповски
-
0

Со натпреварите денеска завршуваат клупските обврски на играчите во поголемите европски лиги, а полека тие ќе се насочуваат кон настапите во Лигата на нациите.

Понеделник е ден за комплетирање на колото, а има неколку интересни натпревари за типување. Ќе се обидеме со куса анализа на пет меча да ви помогнеме при типувањето.

Келн – Дуисбург (20.30 часот)

Популарните „јарци“ се на патот на експресно враќање во Бундеслигата, играат екстра ефикасно и на последните 15 натпревари во сите конкуренции постигнуваа најмалку по еден гол. Келн е најефикасната екипа во Втората германска лига, со 21 гол на 8 натпревари, или по 2,5 во просек, што гарантира нов ефикасен меч на фаворитот за пласман во Бундеслигата.

Дуисбург е последен само со два бода и без победа на 8 меча, но ќе се обиде да го изненади фаворитот. Популарните „зебри“ имаат одлично педигре во германскиот фудбал, иако се во криза. Секогаш се незгоден противник за Келн, но домаќините се големи фаворити за нова победа.

Предлог тип: 1Х&4+ (2.45)

 

Ботосани – Динамо Букурешт (20.00 часот)

Неочекувано ова е дерби на дното во романското првенство. Гигантот Динамо почна со победа и реми против вечниот ривал Стеауа (Сега ФЦСБ н.з.), потоа играше солидно и во следните три кола за да дојде до голем пад. На последните 4 натпревари, Динамо нема победа во домашниот шампионат. Ги надмина само Ботосани со серија од неверојатни 8 натпревари без победа. И билансот во меѓусебните дуели на последните пет меча вели дека има малку голови, па комбинирано со лошата форма, реално е да се одигра од 0-2 гола.

Предлог тип: 0-2 (1.72)

 

Сошо – Мец (20.45 часот)

Дуел за рехабилитација на поранешните стандардни прволигаши, но сега во меч од Втората француска лига. Мец има два порази по ред и ќе се обиде да ја прекине серијата, а Сошо не знае за победа три викенди по ред.

Ова им е прв меѓусебен меч по пауза од две години, бидејќи Мец до лани беше прволигаш, а Сошо еден ранг пониско. Последните два официјални дуели завршија со победа на Мец од по 1-0, претходно Сошо во прволигашки дуели славеше со по 2-1, па некако границата на голови се движи помеѓу 0-2 и 2-4 голови. Мец е фаворит, има квалитет и амбиции за враќање во највисок ранг на натпревари и е фаворит за победа.

Предлог тип: Х2&2-4 (2.25)

 

Сарагоса – Осасуна (21.00 часот)

Жешко дерби на две екипи кои имаа големо пријателство, но еден момент во 1987 година создаде голем ривалитет и нетрпеливост.

На четврти октомври 1987 година шишето што го погоди во глава Роберто ги „закрви“ двете страни, па одличното пријателство се претвори во огромен ривалитет и нетрпеливост меѓу двата клуба и меѓу Сарагоса и Памплона. Се закануваа и навивачките групи, но потоа некако страстите се потсмирија, иако сè уште има жешки страсти на нивните дуели.

Во последно време и билансот им е израмнет, екипите се во средината на табелата и некако најреално е да нема победник.

Предлог тип: Х (3.10)

 

Ксанти – АЕЛ Лариса (18.00 часот)

Ксанти нема пораз на домашен терен од денешниот противник цели 8 години. „Шкода арена“ е тежок терен за гостување, Ксанти често ги добива натпреварите со минимална разлика, а најдобро тоа го знаат играчите на АЕЛ. Последен пат од гостувањето кај Ксанти, со бодови, АЕЛ за Лариса си замина на 13-ти февруари 2010 година.

Ксанти е фаворит, но тука треба да се внимава бидејќи домаќините имаат дури три ремија во пет меча во грчкото првенство.

Предлог тип: 1Х&0-2 (1.64)

 

Лопетеги по Ел Класико ќе добие отказ, а во Реал доаѓа Конте?

Трајан Маневски
-
0

Реал Мадрид и Барселона се во криза. Двата тима имаат само по една победа во последните пет меча, па тоа го искористи Севилја, која е новиот лидер во Примера дивисион. Барселона падна на второто место, додека Реал Мадрид е на четвртата позиција на табелата.

Покрај проблемот со победите, Реал има проблем и со реализацијата. Кралскиот клуб веќе 409 минути е без даден гол, што е најлоша низа во последните 30 години. Сè поизвесно е дека доколку не се смени нешто во играта на Реал, тогаш ќе има смена на клупата каде што е Хулен Лопетеги. Најавите се дека челниците на Реал имаат сè помалку толеранција поради слабите резултати и дека главен испит за Лопетеги ќе биде дербито против Барселона.

Популарното Ел Класико ќе се игра на 28-ми октомври, на „Камп ноу“. Доколку Реал го загуби овој меч, тоа може да значи и крај за него на клупата на Реал. Уште сега се шпекулира дека во Реал го пикирале Антонио Конте за наследник на Лопетеги.

 

 

Ангеловски: Да ги решиме сите дилеми околу првото место

Зоран Поповски
-
0

Проблемот со Иван Тричковски, кој е повреден и веројатно нема да игра на натпреварите со Лихтенштајн и Ерменија, му носат главоболка на селекторот Игор Ангеловски, но тој е оптимист и вели дека сега Македонија треба да стори сè за да ги реши дилемите околу првото место во нашата група.

Во сегментот Д од Лигата на нациите, Македонија е блиску до полуфиналето, но пред сè, треба да се победи Лихтенштајн во сабота, во Скопје, а потоа и да триумфира или да одигра нерешено со Ерменија на гости во Ереван.

„Очекуваме вести за степенот на повредата на Иван. Се надевам дека не е ништо сериозно. Мораме максимално одговорно да одиграме против Лихтенштајн и да ги освоиме бодовите, а потоа во добро расположение да патуваме за Ереван. Сега, на овие два меча да се обидеме да го решиме прашањето околу првото место“, изјави Ангеловски.

Македонија во сабота ќе слави и јубилеј, 25 години од првиот меч со Словенија, па селекторот и репрезентативците ја повикаа публиката да дојде во што поголем број на националната арена во Скопје.

„Чест и задоволство е да се игра на таков јубилеј. Ги повикувам навивачите масовно да дојдат и да ги подржат овие момци. Со игрите и резултатите заслужуваат поддршка, а ќе сториме сè за да ја израдуваме публиката со нова победа“, додаде Ангеловски.

 

Тричковски е повреден, неизвесен е настапот против Лихтенштајн и Ерменија

Зоран Поповски
-
0

Игор Ангеловски има неочекуван проблем и веројатно нема да може да смета на напаѓачот Иван Тричковски.

Играчот на АЕК Ларнака има повреда на адукторот и остана на дополнителни прегледи на Кипар. Треба да се одреди степенот на повреда за да се одреди дали Иван ќе може да игра против Лихтенштајн и Ерменија.

Тричковски, кој е во одлична гол-форма и речиси сигурно ќе беше стартер против Лихтенштајн и против Ерменија, се повреди на вчерашниот меч меѓу АЕК и Ермис во кипарското првенство.

Освен тој, сите останати репрезентативци пристигнаа во Скопје и ќе тренираат вечерва на првиот тренинг пред дуелот со Лихтенштајн на 13-ти октомври.

 

Се врати Буба, сака нови победи

Зоран Поповски
-
0

Ферхан Хасани се врати во националната селекција пред двата клучни натпревари во Лигата на нациите, против Лихтенштајн и Ерменија, во битката за полуфинале во сегментот Д од ова натпреварување.

Популарниот Буба е добредојден во репрезентацијата и неговото присуство е мошне важно. Тој пристигна меѓу првите на собирот закажан за денеска напладне, а вели дека и кога не играл, ги следел дуелите на Македонија и со срце навивал и се радувал на успесите против Гибралтар и Ерменија.

„Ги гледав и двата дуели и се радував на победите. Игравме одлично, а сега верувам дека и ќе продолжиме во победнички ритам. Очекувам две нови победи и против Лихтенштајн и со Ерменија за печат на првото место во групата“, вели Хасани.

Тој се пресели во Саудиска Арабија и настапува за Ал-Раед, а по паузата од неколку меча, се враќа во составот на нашата национална селекција и ќе биде во комбинација за дуелите со Лихтенштајн на 13-ти октомври во Скопје и за клучниот меч со Ерменија во Ереван на 16-ти октомври.

Ерменците со нов селектор и без повредениот Озбилис против Македонија

Зоран Поповски
-
0

Ерменците набрзина избраа нов селектор, наследник на Вардан Минасјан, а против Македонија ќе ги предводи релативно анонимниот Ермен Гјулбудагјанц.

Иако имаше повеќе опции за странски селектор, сепак, челниците на Федерацијата во недостиг и на време до почетокот на квалификациските дуели со Гибралтар и Македонија, одлучија да го именуваат поранешниот селектор на младата селекција на Ерменија.

И веднаш Гјулбудагјанц се соочи со кадровски проблеми, па не го повика Арас Озбилиз. Еден од главните фактори во играта на ерменската селекција е повреден и нема да игра ниту против Гибралтар, ниту со нас.

На поширокиот список на новиот селектор ги нема ниту „интернационалците“ од Јужна Америка, Монрој и Бријаско.

 

Пресвртот на Парма донесе радост во Велес и добивка од 4 илјади евра

Зоран Поповски
-
0

Парма успеа да направи пресврт со три гола во првото полувреме против Џенова, што му донесе многу радост на обложувач од Велес и добивка од 247.500 денари, или околу 4 илјади евра.

Со уплата од илјада денари на тикет со три двојки, погодени се три гостински победи со различни знаци, а сè почна со мечот точно напладне, вчера меѓу Реус Депортиу и Гранада.

Гостите славеа со 1-2, таман за да се погоди комбинираниот знак 2-2&3+. Во меѓувреме, Есторил експресно ја наполни мрежата на Академика како гостин, победи со 7-2, за да биде погоден и вториот пар на тикетот, типуван со знак 2&Т2.

Најтешкиот и финалниот дел од мисијата да се добијат 4 илјади евра за обложувачот од Велес, беше да се погоди и типот 2-2 во Џенова.

Разиграниот Кжиштоф Пјонтек со гол на почетокот веројатно донесе мало разочарување, бидејќи домаќинот Џенова поведе со 1-0, но за насмевки се погрижија Ригони, Силјарди и Чераволо со по еден погодок од 16-тата до 30-тата минута, за целосен пресврт и предност на Парма од 3-1 на гости кај Џенова. До крајот на мечот немаше промени, за многу радост на нашиот добитник на 247.500 денари со уплата од „илјадарка“.

Добитен концепт во Тетово, гол-гол и два плус второ полувреме

Деветката му донесе среќа на обложувач во Тетово, а со интересен концепт и комбинација од игрите Гол-гол и Два плус второ полувреме, добивката е 167.454 денари.

Единствен исклучок од комбинацијата на тикетот со девет парови е типот Т1 на уругвајскиот Феникс против Бостон Ривер. Домаќините си ја завршија работата со два гола во првото полувреме, а кога и чилеанскиот гигант Коло Коло израмни во последен миг против Унион Еспањола со погодокот во 93-тата минута, јасно беше дека во Тетово има одлична добивка од околу 2.700 евра за уплатени 200 денари.

Балканско-јужноамериканска добитна комбинација во Виница

На спротивната страна од Македонија, на Истокот, во Виница одлично смислена балканско-јужноамериканска комбинација му донесе добивка на наш обложувач од точно 109.725 денари за минималната уплата од 20 денари.

Со погодени четири парови со ист тип на игра 2-3 голови во прво полувреме и 2-3 во второ полувреме, добивката е околу 1.800 евра.

И што е многу интересно, добитникот најмногу стравуваше од нашиот интернационалец Крсте Велкоски. Мечот меѓу Добој Какањ и Сараево заврши со резултат 0-6 (0-3), а последните голови во првото и во второто полувреме ги постигна Велкоски. Сè над тоа ќе значеше недобитен тикет, но за среќа на нашиот добитник, Велкоски не постигна хет-трик, па добивката е исплатена во Виница.

Кусо и ефектно во Ново Лисиче

Џејмс форест од Селтик и Клаудиу Кесеру од Лудогорец рафално погодуваа во првото полувреме против Сент Џонстон, односно Ботев, што му донесе убава добивка од 42 илјади денари на наш играч од Ново Лисиче.

Кусо и ефектно, тој типувал дека Селтик и Лудогорец ќе постигнат најмалку по 4 голови во првото полувреме (Т2 4+ п.п.) на гостувањата кај Сент Џонстон, односно Ботев. Уплатата е 30 денари, а за исплата се погрижија Форест со 4 голови во првото полувреме на мечот Сент Џонстон – Селтик и Кесеру со хет-трик во првите 45 минути за Лудогорец против Ботев. Тука со еден гол помогна и Џоди Лукоки, а предноста на Лудогорец од 4-0 и на Селтик од 5-0 по првото полувреме, беа доволни за радост во Ново Лисиче. Лудогорец победи со 4-1, откако на полувремето имаше предност од 4-0, а Селтик беше уште поубедлив и со 6-0 го торпедираше Сент Џонстон, благодарение најмногу на „петардата“ во првиот дел.

Хабиб и Мекгрегор – од пријатели, до најголеми ривали

Трајан Маневски
-
0

Реакциите од мечот на деценија меѓу Хабиб Нурмагомедов и Конор Мекгрегор уште не стивнуваат. Хабиб уште еднаш ја потврди непобедливоста и стигна до 27-мата победа во низа, а Мекгрегор го претрпе четвртиот пораз. За тоа колкаво е нетрпението меѓу овие двајца борци, се покажа и по завршување на борбата.

Дагестанецот скокна преку рингот и почна да се тепа со дел од членовите кои беа во тимот на Мекгрегор. И Ирецот не остана покусо, па удри еден од членовите во таборот на Хабиб и се случи хаос. Со тој инцидент, нетрпеливоста кај најголемите ривали само се зголеми.

А не било секогаш вака. Само пред четири години, Хабиб и Конор биле пријатели кои дури и заедно тренирале. На социјалните мрежи се појави фотографија постирана од Нурмагомедов на која двајцата борци се прегрнати.

 

Дали Погба во Манчестер го направи тоа што и Меси со Аргентина?

Трајан Маневски
-
0

Манчестер јунајтед на дуелот против Њукасл постави еден неславен рекорд, откако за првпат во историјата прими два гола на „Олд Трафорд“ во првите 10 минути. И покрај таа негатива од 0-2, на крајот „црвените ѓаволи“ се радуваа на победата.

Пресвртот на најтрофејниот англиски клуб се случи во второто полувреме, односно во последните 20 минути. Откако во првиот дел Манчестер делуваше немоќно, во второто полувреме домаќините одиграа сосема поинаку, и тоа на крајот се исплатеше со победа од 3-2.

Иако многумина веруваат дека тренерот Жозе Мурињо успеал да ја погоди тактиката за пресврт, сепак, англискиот таблоид „Сан“ пренесува нешто сосема друго. Според пишувањата, Пол Погба бил тој кој ја презел работата во свои раце. Откако Мурињо на полувремето во соблекувалната ги кажал своите совети, на сцена стапил Погба.

Најскапиот играч во историјата на Манчестер самиот побарал да игра малку подефанзивно и да биде организатор на нападите. Тоа дефинитивно вроди со плод, но иако првично се велеше дека тоа е тактика на Мурињо, сепак, Погба самиот се одлучил на овој потег.

Ако навистина се случило тоа во соблекувалната на Манчестер, Погба всушност тргнал по стапките на Лионел Меси. На Светското првенство во Русија, аргентинскиот виртуоз реши да биде и креатор на тактиката на теренот на дуелот против Нигерија. „Гаучосите“ го добија тој меч, но веднаш потоа беа елиминирани од Франција.

 

1...10.68510.68610.687...10.786Страна 10.686 од 10.786