Македонија ќе бие битка за втора победа во Б групата на ракометниот Мундијал, типуваме сигурен триумф, во меч со помал број на голови од 56, колку што е основната граница во неделниот додаток на Sport Life.

Ќе биде интересно и на дербито во Премиерлигата меѓу Тотенхем и Манчестер јунајтед, прогнозираме и ефикасен меч во Ливерпул и победи на Барселона и Наполи.

Македонија – Бахреин (14 часот)

Нашата репрезентација е голем фаворит за победа против азискиот вицешампион. Секако сите очекуваме втор триумф на ракометниот Мундијал, што заеднички го организираат Германија и Данска.

Но, денеска треба и да се победи и што повеќе да се зачуваат сили за следните предизвици. По овој меч македонските ракометари ќе имаат 25-26 часа за одмор и веднаш, утре од 18 часот ни доаѓа на распоред дуелот со Хрватска.

Бахреин загуби очекувано од Шпанија, најавуваат дека ќе се обидат да ја победат Македонија, а тоа можат да го сторат веројатно само во меч што би имал бавно темпо.

Раул Гонзалес израсна во еден од најдобрите светски тренери, а овојпат ќе има тешка задача да најде и победнички рецепт и да ги сочува главните играчи на Македонија од евентуални повреди и замор. Немаме „долга“ клупа, но имаме доволно квалитет за триумф против Бахреин, во меч со помалку од 56 голови.

Предлог тип: 1&<55,5 голови (2.13)

Евертон – Борнмут (15.15 часот)

Ова е дуел на две екипи кои се во криза и играат катастрофално во последно време. Евертон има само една победа на последните 8 меча во Премиерлигата и менаџерот Марко Силва е под голем притисок. За него можно е денешниот меч да биде во стилот „Да се биде, или не“, по состанокот со првиот човек на „карамелите“ Фархад Мошири. Силва е предупреден дека Евертон ги нема резултатите што се очекуваа, па победата е императив.

И гостите се во голема криза, загубија дури 10 од последните 13 натпревати во сите конкуренции во Англија, па ќе се обидат да ги освојат бодовите на „Гудисон Парк“. Во составот ќе биде големото засилување од Ливерпул, Натаниел Клајн и се очекува тој да дебитира денеска. Од криза се излегува со голови и победи, па типуваме дека ќе биде ефикасно попладне во Ливерпул.

Предлог тип: ГГ&3+ (1.93)

Тотенхем – Манчестер јунајтед (17.30 часот)

Ова е првиот посериозен тест за Оле Гунар Солскјер и неговата победничка серија со Манчестер јунајтед. Норвежанецот успешно го замени Жозе Мурињо на кормилото на најтрофејниот англиски клуб, но победите се забележани во дуели со послабите екипи во Премиерлигата.

Тотенхем е поинаква димензија, има екстра-квалитетен состав што игра долго заедно и ќе биде тежок тест за Јунајтед. Проблем за домаќините е отсуството на јужнокореецот Хјонг Мин Сон и повредата на Лукас Моура. Подолго време надвор од строј се Фертонген и Даер, можно е да не игра и Дембеле, но домаќинот е фаворит. Тотенхем има и повеќе успеси во последните меѓусебни дуели, славеше на четири од пет и е поблиску до нов триумф, денеска на „Вембли“.

Предлог тип: 1Х&ГГ (2.20) Квота на денот

Барселона – Еибар (18.30 часот)

Поразот од Леванте во купот на Шпанија е лоша епизода за Барселона, без разлика што не играа главните ѕвезди, Меси, Суарес, Пике, Алба…

Ла Лига е поинаква приказна и Каталонците играат извонредно сезонава. Тие се први фаворити за титулата, моментно се на врвот со пет бода предност пред Атлетико Мадрид и дури 10 пред вечниот ривал Реал Мадрид. Шансата за нова титула е огромна и вакви мечеви мора да се добиваат.

Патем, Еибар никогаш не ја победил Барселона во официјален меч од шпанското првенство и има биланс за Рипли. Осум порази на 8 меча, со гол – разлика од 4:28.

Предлог тип: 1&2+ пол. (2.00) Квота на денот

Наполи – Сасуоло (20.45 часот)

Во купот на Италија веќе нема поправен испит. Се игра еден меч, а Наполи е класичен фаворит за пласман во четвртфиналето. Ако победат би играле против Милан и повторно би биле фаворити, што е поволен расплет на работите за силниот состав од Неапол.

Сасуоло знае да ги изненади италијанските големци, но против Наполи никогаш не победил на „Сан Паоло“, па и денеска тешко ќе стаса до подвиг.

Предлог тип: 1&2-4 (2.15) Квота на денот