Без наслов - Страница 9541

Кочов: Со 102 примени поени не можеш да победиш

-

22.11.2018

Поразот од Рогашка потврди дека МЗТ Скопје Аеродром има проблем да го запре шутот за три поени на противничките екипи. Одбраната во првото полувреме речиси и да ја немаше кај Аеродромци, МЗТ прими дури 64 поени, па негативата од 16 разлика на пауза беше тешко да се надомести. МЗТ прими 15 тројки, имаше и 13 скока помалку, како и уште една потврда дека агресивноста не беше на потребното ниво.

„Кога на едно гостување ќе примиш 102 поени, не можеше да сметаш на победа. Пред натпреварот се договоривме да бидеме агресивни и да не дозволиме отворени шутеви за три поени. Мора да ги анализираме грешките и да ги поправиме во иднина“, рече тренерот Ѓорѓи Кочов.

Позитивно за МЗТ е што стана прв тим со 800 постигнати поени сезонава во АБА 2 лигата, но по девет кола, тимот има шест победи и три порази. За подобри резултати и атак на првото место ќе мора да се игра поцврсто во одбраната.

Тренерот на словенечкиот тим, Дамјан Новаковиќ, вели дека МЗТ има неверојатен напаѓачки потенцијал, но успеале да победат благодарение на рекордниот број тројки.

„Не е едноставно да го запреш МЗТ, има неверојатен напаѓачки потенцијал. Ние ги погодувавме отворените шутеви и постигнавме сезонски рекорд по бројот на тројки. Имавме и кадровски проблеми, затоа морам да им симнам капа на играчите и благодарност до публиката“, изјави Новаковиќ.

Леброн се врати во Кливленд, но овојпат ги разочара домашните фанови (Видео)

Трајан Маневски

-

22.11.2018

0

Леброн Џејмс повторно се врати во Кливленд и доби овации од домашните навивачи, но овојпат тој беше нивни ривал. Најдобриот кошаркар во клупската историја на овој клуб летоска се пресели во Лос Анџелес лејкерс. Иако си замина од Кливленд, Џејмс одигра уште еден блескав меч на паркетот каде што најмногу има настапувано.

Заврши со 32 поени, 14 скока и 7 асистенции, а Лејкерс победи со 109:105. Џејмс уште еднаш покажа дека е најдобар кога е најпотребно. Постигна девет од последните 14 поени за гостите, а домашните играчи немаа одбрана за него. Кливленд дополнително може да жали бидејќи само на неколку минути пред крајот имаше предност од 96:87, но не ја задржа. Без Леброн, Кливленд сезонава е најслаб тим во лигата и има само две победи и 14 порази.

Резултати: Шарлот – Индијана 127:109, Филаделфија – Њу Орлеанс 121:120, Атланта – Торонто 108:124, Бостон – Њујорк 109:117, Чикаго – Феникс 124:116, Кливленд – ЛА лејкерс 105:109, Хјустон – Детроит 126:124, Милвоки – Портланд 143:100, Минесота – Денвер 101:103, Далас – Бруклин 119:113, Сан Антонио – Мемфис 103:104, Јута – Сакраменто 119:95, Голден Стејт – Оклахома 95:123.

Интересен потег на Баварците – Зимско засилување за Баерн од Ванкувер

Зоран Поповски

-

21.11.2018

0

Интересен потег повлече управата на Баерн Минхен и прво зимско засилување на германскиот шампион е играч од МЛС-лигата во САД.

Алфонсо Дејвис има 18 години и велат дека е еден од најталентираните фудбалери во Америка, а потпиша договор со Баерн тежок 12 милиони евра.

Напаѓачот на Ванкувер денеска го имаше првиот тренинг во новиот клуб, но ќе може да игра за Баерн од почетокот на следната година.

Ова е само еден од најавените потези и засилувања за Баерн, кој не игра добро сезонава и се наоѓа на петтото место во Бундеслигата. Проблеми има, и тоа големи, на релација тренер-играчи, а Нико Ковач тешко се справува со кризата, иако засега ја има поддршката на раководството на Баерн.

Панатинаикос ја сопре серијата на Барселона

Зоран Поповски

-

21.11.2018

0

Панатинаикос беше подобар од Барселона во текот на целиот меч, победи со 76:70 во дербито од осмото коло во Евролигата и ја сопре серијата на гостите од пет победи по ред.

Дешон Томас со 14 поени беше најефикасен во тврдиот меч со малку поени, а со него само уште Стефан Лазме со 11 поени имаше двоцифрен учинок.

Барселона успеа да ја добие само третата четвртина на мечот со 25:21, што не беше доволно за шести триумф по ред во Евролигата.

Кајл Курич со 17 поени беше најефикасен кај Барселона и на мечот, а два поени помалку за Каталонците постигна Кевин Серафин.

Двете екипи сега се израмнети со по 5 победи и три порази и се наоѓаат на позиции во топ 8 во Евролигата.

ЦСКА се врати на бис и го избегна првиот пораз во Евролигата

Зоран Поповски

-

21.11.2018

0

Вил Клибурн погоди две слободни фрлања на 17 секунди до крајот на продолжението, со што ѝ донесе победа на ЦСКА Москва против Жалгирис од 99:97.

Фаворитот беше пред прв пораз во Евролигата, но гостите од Литванија прокоцкаа предност од 6 поени во последните две минути од регуларниот дел и потоа загубија во драматичните дополнителни пет минути.

Во самиот финиш на регуларниот дел од мечот, Жалгирис поведе со 82:76, потоа и со 84:78 на една и пол минута до крајот, но дозволи серија на домаќините од 8:2, па мораше да се одиграат и дополнителни пет минути.

ЦСКА ја искористи шансата и ја забележа осмата победа во осмото коло од Евролигата.

Серхио Родригес ги предводеше до задржување на максималниот ефект со 24 поени, Кори Хигинс даде 23, а Килбурн ги следеше со 15 поени.

Кај Жалгирис најефикасен беше Антанас Кавалиаускас со 19 поени.

Николов слета директно на терен – МОЛ Види го доби дербито против Ујпешт

Зоран Поповски

-

21.11.2018

0

Бобан Николов и Кире Ристевски имаа малку време да се одморат од настапот за репрезентацијата на Македонија против Гибралтар, меч што се играше завчера доцна вечерта, а веќе денеска од 19 часот беа во составите на МОЛ Види и на Ујпешт во унгарското дерби.

Победи фаворитот МОЛ Види со 1-0, Николов играше за домаќинот од 72-рата минута, а Ристевски остана на клупата за резерви кај Ујпешт.

Голот за победа во заостанатиот меч во унгарското првенство го постигна Јухаш во 58-мата минута. Николов влезе во игра во финишот на мечот и ги одигра последните 20-тина минути.

МОЛ Види со победата се проби на третата позиција со 25 бодови, пет помалку од лидерот Ференцварош и два од Хонвед. Ујпешт со 22 бодови остана на делба на петтото место со Мезоковеш.

Една од најголемите судиски грешки е во корист на Црвена ѕвезда (Видео)

Трајан Маневски

-

21.11.2018

0

Црвена ѕвезда очекувано се пласираше во четврт-финалето на Купот на Србија откако со 4-1 го елиминираше второлигашот ТСЦ од Бачка Топола. Гостите се покажаа како солиден ривал, а посебно добар отпор даваа во првото полувреме.

Токму тогаш се случи и една од најголемите судиски грешки што може да постојат. Марко Гобељиќ сакаше да ја врати топката кон својот голман, а Огњен Дамјановиќ успеа да ја пресече и излезе сам пред голманот на Црвена ѕвезда. Сепак, кога се очекуваше реализација и изненадувачко водство на гостите од 1-0, судиите се огласија. На сигнализација од помошникот, главниот судија досуди офсајд, иако немаше никаква недозволена позиција бидејќи домашен фудбалер ја врати топката кон својот голман.

https://youtu.be/8Or904kv-4E

Многу на малку – Хрватска ја декласираше Македонија со 90:27

Зоран Поповски

-

21.11.2018

0

Хрватска очекувано ја победи Македонија во квалификацискиот меч за настап на Европското првенство, а триумфот на фаворитот е со неверојатна разлика од 63 поени, односно 90:27.

Нашите репрезентативки одиграа многу слаб меч и постигнаа само 27 поени за 40 минути, што е во сферата на невозможното.

Иако имаме млад состав, од избраничките на Марјан Лазовски се очекуваше многу повеќе, но стасавме само до 27 поени на цел меч.

Повеќе од половина од поените се дело на Анџелика Митрашиновиќ, која постигна 14, а сите останати не стигнаа до двоцифрен учинок.

Кај Хрватките, Ивана Дојкиќ беше најефикасна со 11 поени.

Очајната одбрана не носи ништо освен нов пораз на МЗТ Скопје Аеродром во АБА 2

Трајан Маневски

-

21.11.2018

0

МЗТ Скопје Аеродром уште еднаш покажа дека кога игра на гостински терен, е многу послаб отколку кога игра пред своите гледачи во „Јане Сандански“. Првпат сезонава македонскиот претставник во АБА 2 прими троцифрен број поени, а со толку слаба одбрана, поразот беше неизбежен. Екипата на Рогашка славеше со 102:90 во деветтото коло од регионалното натпреварување.

Уште од самиот почеток домаќините тргнаа офанзивно, па по првите 10 минути имаа предност од 32:25. Слабата игра на МЗТ Скопје Аеродром во одбраната продолжи и во вториот квартал, па словенечкиот тим успеа на полувреме да има 64 поени и да води со 16 поени предност.

Високата предност домашните играчи успешно ја чуваа во второто полувреме, а на крајот ја надминаа и бројката од 100 поени. За Рогашка ова беше четврта победа во четвртиот меч на свој терен, а МЗТ трет пат загуби на четврото гостување.

Иве Иванов со 30 поени беше најефикасен кај МЗТ, а во офанзивните задачи солидни беа и Медфорд со 19 поени, Вудард и Бојиќ со по 12 и Симоновски со 11 поени. За Аеродромци ова е трет пораз, но и покрај неуспехот, останаа на второто место во оваа конкуренција на АБА 2 лигата.

Нестор-гол рамо до рамо со Кејн, резерви се во составот на дрим-тимот на Лигата на нациите

Зоран Поповски

-

21.11.2018

0

Илија Несторовски има место во изборот на дрим-тимот во Лигата на нациите во последните две кола, а нашиот шпиц е меѓу резервите во изборот на „So Foot“.

Три голови на два меча се доволен аргумент за место меѓу резервите во целиот состав на дрим-тимот во последните две кола во Лигата на нациите е коментарот на новинарите на „So Foot“.

Тие одбраа идеален тим од 11 играчи и плус пет резерви, меѓу кои е и нашиот Нестор-гол.

Несторовски постигна два гола против Гибралтар во последното коло од фазата по групи во Сегментот Д, а претходно ја затресе и мрежата на Лихтенштајн и има три гола за три дена за македонската репрезентација.

Со него како резерви се одбрани и Хари Кејн од Англија, францускиот голман Уго Љорис, стоперот на Холандија Ван Дајк и репрезентативецот на Косово Авдијај.