Без наслов - Страница 9821

Финале на ЛШ во Њујорк?

-

10.09.2018

Во блиска иднина би можело да се случи финале од фудбалската Лига на шампиони да се игра во Њујорк. Најважниот натпревар во европскиот клупски фудбал би можело да стане забава за богатите Американци.

Контроверзната одлука на шпанската лига, дуелот помеѓу Жирона и Барселона во јануари да се игра на американско тло во Мајами, може да биде само вовед во понатамошна глобализација на фудбалот.

Хауме Рурес, кој е извршен директор на телевизиската компанија Медиапро од Барселона, во интервју за утринската програма на Радио Каталонија изјави дека во тек се преговори околу историско преместување на финалето од ЛШ.
Тоа се смета за непочитување на навивачите, но УЕФА не е имуна на пари и промени, па веројатно и преселба на финалето на друг континент веќе никого не би зачудила.

Бускетс е „натрапникот“ во „црвената фурија“

Златко Јуруковски

-

10.09.2018

0

Националниот тим на Шпанија само со еден фудбалер на Барселона се појави на лондонски „Вембли“ при гостувањето кај Англија во Лигата на нациите. Ваква „Де-Барселонизација“ не се памети одамна, а особено е зачудувачки што нов селектор е човек кој играше и беше тренер на каталонскиот гигант.

Одлуката на Луис Енрике да не го земе левиот бек Жорди Алба предизвика многу реакции во шпанската јавност, Жарарт Пике се повлече, па сега само Серхио Бускетс остана да ја брани честа на клубот кој е првак на Шпанија. Покрај Бускетс кој беше стартер, во составот беше и Серџи Роберто, кој влезе во второто полувреме и играше на позиција поразлична од таа на којашто настапува во дресот на Барса.

Во Барселона не ни има други играчи кои би можеле да конкурираат за место во репрезентацијата на Шпанија, освен можеби некогаш Денис Суарес, и Мунир Ел Хадади, за кој уште не се знае дефинитивно дали ќе игра за сениорската репрезентација на Шпанија или Мароко. Пред неколку години, на еден пријателски меч со Уругвај, во составот имаше дури 9 играчи на Барселона, а ќе беа и 10 да не се повредеше Чави.

Гаскоњ на 51 година сака да игра за Англија

Златко Јуруковски

-

10.09.2018

0

Пол Гаскоњ побара од англискиот селектор Герет Саутгејт да го стави во тимот на утрешниот натпревар помеѓу Англија и Швајцарија, на стадионот во Лестер. Славниот Гаскоњ има 51 година, во кариерата играше за Тотенхем, Њукасл, Лацио и Глазгов ренџерс, а со Саутгејт беа соиграчи на Европското првенство во 1996 година.

„Да си ми жив Герет. Утре со мојот менаџер ќе бидам во ложата. Ќе поминам да те видам, ќе видам што може да помогнам. Носам копачки број 44“, напиша Гаскоњ на „Твитер“ откако Саутгејт изјави дека на „Гордиот Албион“ во средниот ред му фали еден играч од типот на Гаскоњ кој знае да одлучи натпревар.

Гаскоњ за својата репрезентација последниот меч го одигра во мај 1998 година, на еден месец пред почетокот на Светското првенство во Франција.

НБА отвора продавница во Милано

Златко Јуруковски

-

10.09.2018

0

Кошаркарската НБА-лига во текот на наредната сезона, ќе отвори своја официјална продавница во Милано, и тоа ќе биде прв таков објект во Европа. НБА има две главни продавници во Њујорк, годинава една се отвори во катарската престолнина Доха, а пред Нова година ќе има и една во италијанскиот град на модата.

Во тие НБ- продавници се продаваат само официјални и оригинални продукти, како дресови, маици, приврзоци, и останати производи поврзани со НБА-тимовите. Желбата е продавницата во Милано да се отвори пред католичкиот Божик на 25-ти декември.

Локацијата во Милано ќе биде во Галерија Пасарела, многу блиску до плоштадот „Сан Бабила“. Со отворањето на продавницата во Европа, ќе се зголеми продажбата и на Стариот Континент, што е голем плус за маркетингот на лигата. Европските љубители на НБА веќе нема да чекаат и да мораат да нарачуваат оригинални производи кои долго патуваат со бродови.

Куртуа во Реал е најисплатливиот трансфер летово

Златко Јуруковски

-

10.09.2018

0

Во студија која ја направи интернационалната фудбалска опсерваторија ЦИЕЗ, најдобар бизнис летово направи Реал Мадрид со купувањето на голманот Тибо Куртуа. Проценката на ЦИЕЗ е дека Куртуа вредел 23 милиони евра повеќе од тоа што Реал му платил на Челзи како обештетување.

Од друга страна, Челзи како замена за Куртуа го донесе Кепа Аризабалага и за него плати 45 милиони повеќе од реалната цена која е алгоритамски пресметната за овој шпански чувар на мрежата. Ова се смета за финансиски најлош трансфер.

Добро и евтино поминале и Атлетико Мадрид со купувањето на Родри Ернандес од Вилјареал за 25 милиони, што е за 21,9 милиони поевтино од вредноста на фудбалерот. Третото место го држи Рома за Брајан Кристанте, кој е купен за 19,4 милиони поевтино, а во Топ 5 најисплатливи трансфери влегуваат и тие на Фабињо од Монако во Ливерпул и на Клеман Ленгле од Севилја во Барселона. Кристијано Роналдо е осми. Проценката е дека Португалецот вредел 116,5 милиони, а Јувентус го купи „само“ за 105, или 11,5 милиони помалку од вредноста.

Повеќе пари од потребното, покрај Челзи за Кепа, потрошиле Манчестер сити за Ријад Марез, ПСЖ за Тило Керер, Евертон за Јери Мина, Наполи за Алекс Мерет, итн.

Брзо се покајаа: Премиерлигашите ќе го враќаат стариот преоден рок

Томас Ѓорѓиевски

-

10.09.2018

0

Од оваа сезона премиерлигашките клубови имаа можност да се пазарат за фудбалери само до почетокот на првенството. Ова правило беше воведено по иницијатива на самите клубови, но, сега раководствата сакаат да го вратат стариот формат на преодниот рок, односно да можат да купуваат засилувања до 31-ви август.

Англиските медиуми известуваат дека клубовите не видоа никакви придонеси со новото правило, па сега ќе се обидат да го вратат претходното решение. Кон крајот на овој месец ќе биде одржан состанок, на кој ќе биде потребно еден клуб да предолжи да се врати стариот термин, додека 14 клубови ќе треба да го поддржат овој предлог. Доколку овие услови се исполнат, управата на Премиер лигата ќе нема друг избор освен да го отстрани новото правило.

Според новата листа на ЕХФ: Вардар не е меѓу Топ 10 клубовите во Европа

Томас Ѓорѓиевски

-

10.09.2018

0

Пред почетокот на секоја нова сезона во ракометната Лига на шампиони, ЕХФ објавува ранг-листа на десетте клубови кои имаат најголеми шанси да го освојат посакуваниот пехар. По подолго време, македонскиот шампион Вардар не е во топ 10 тимовите за оваа сезона, иако пред две години „вардарци“ беа на врвот на Европа.

Сепак, овој податок и не е големо изненадување, особено по големите промени кои ги претрпе клубот по завршувањето на ланската сезона. Замина „командантот“ Раул, а по него, од Скопје си заминаа и неколку од главните адути како Канелјас, Македа, Штербик, Циндриќ, Абутовиќ…

Според новата листа на ЕХФ, најдобар клуб во Европа и со најголеми шанси за освојување на Лигата на шампионите е актуелнио бранител на трофејот Монпелје, додека по него следува Рајн Некар Левен, каде што настапува нашиот репрезентативец Филип Талески. Следуваат: ПСЖ, Фленсбург, Барселона, Мешков Брест, Нант, Пик Сегед, Веспрем и Кјелце.

Вардар на минатиот Фајнл фор не успеа да ја одбрани титулата, загуби во полуфиналето од Монпелје, а потоа заврши на четвртото место по поразот од ПСЖ.

Дибала ќе го спасува Мурињо од отказ: Јунајтед подготвува понуда од 120 милиони еврa

Томас Ѓорѓиевски

-

10.09.2018

0

Иако преодниот рок во Премиер лигата е одамна затворен, шпекулации околу следните сензационални транфери не престануваат. Според последните најави од англиските медиуми, Манчестер јунајтед во јануари ќе понуди 120 милиони евра за офанзивецот на Јувентус, Пауло Дибала.

Со овој евентуален ангажман Јунајтед би требало да добие значително засилување на тимот, па така, Жозе Мурињо конечно би можел да ја смени својата филозофија и со помош на Дибала да го најде победничкиот рецепт.

Исто така, се споменува и можна директна размена, бидејќи Јувентус се интересира за услугите на Пол Погба, кој, пак, не ја отфрла можноста да се врати во Торино. Сепак, оваа опција е малку веројатна, со оглед на тоа дека Јунајтед се обидува да го зајакне тимот, а не да се ослободи од еден квалитетен играч за да добие друг.

Дибала е цел и на Реал Мадрид и Барселона, а и ПСЖ го смета како опција за следно големо име во редовите, што значи дека „ѓаволите“ ќе треба да подготват примамлива понуда за Аргентинецот да го одбере „Олд Трафорд“ за свој нов дом пред сите други.

Италијанците без Балотели ќе атакуваат на Португалијa

Томас Ѓорѓиевски

-

10.09.2018

0

Марио Балотели по подолго време се врати во репрезентацијата на Италија, но, немаше „камбек“ каков што очекуваше. „Аѕурите“ спасија глава против Полска (1-1), додека Балотели одигра дaлeку под неговото ниво. Репрезентативнта пауза за него продолжува во надолна линија, откако поради повреда на листот е повлечен од составот и нема да настапи вечерва против актуелниот европски шампион Португалија.

Напаѓачот е седмиот репрезенттивец кој поради повреда нема да биде на располагање кај Манчини, на трибините ќе им се прикчучи на Кранго, Ругани, Заниоло, Бираги, Запакоста и Пелегрини.

Познато е дека Португалија ќе биде без својот капитен Кристијано Роналдо, кој претходно ѝ соопшти на Португалската федерација дека нема да настапи на овој циклус од Лигата на нациите со цел да се фокусира кон подобрување на формата во Јувентус.

Одлични вести: Хендрикс ќе игра за Македонија против Косово и Романија

Томас Ѓорѓиевски

-

10.09.2018

0

Kошаркарската репрезентација на Македонија добива значително засилување во пресрет на дуелите со Косово и Романија, натурализираниот Американец Ричард Хендрикс се согласи да ѝ помогне на нашата селекција и ќе биде на располагање кај селекторот Јорданчо Давитков.

Иако при почетокот на подготовките беше најавено дека Хендрикс нема да може да игра поради семејни проблеми, но, очигледно, сѐ е во најдобар ред , па Американецот добил зелено светло од неговиот клуб одново да го облече нашиот национален дрес и да ѝ помогне на Македонија да ги оствари потребните позитивни резултати со кои ќе можеме да се пласираме за квалификациите за ЕП 2021.

Првиот дуел се игра во четврток, 13-ти септември, а нашата репрезентација патува за Приштина, каде што ќе го одигра мечот против Косово, додека три дена подоцна на наш терен ќе ја пречекаме селекцијата на Романија.