УЕФА негираше дека имало нерегуларности со допинг контролата на Серхио Рамос по финалето во ЛШ против Јувентус. Според нив, целосниот процес поминал во најдобар ред, за третманот биле информирани сите организации (ВАДА и УЕФА) од страна на медицинскиот тим на Реал.

„УЕФА ги негира сите отпужби дека Рамос бил позитивен на допинг тестот, и дека целиот третман бил под контрола и согласно со правилникот на ВАДА(светска анти-допинг агенција)“, стои во соопштението на УЕФА.

ВАДА и ФИФА имаат право да реагираат на секоја одлука од страна на УЕФА во врска со допинг контролите. Но, според овие организации, УЕФА не направила никако пропуст и затоа немало потреба да се реагира.

Рамос на ден пред финалето против Јувентус, примил две инјекции со супстанцата дезаметозан, која може да се користи согласно со правилата на УЕФА.

Реал Мадрид ги отфрли сите оптужби дека Серхио Рамос паднал на допинг тестот по финалето во ЛШ против Јувентус, тврдејќи дека немало неправилности и случајот бил веднаш затворен.

„Серхио Рамос никогаше не користел недозволиви супстанци, ниту ги прекршил анти-допинг правилата. УЕФА побара инфомации во врска со тој случај, и веднаш го затвори истиот, бидејќи експерти од светската анти-допинг агенција, како и од УЕФА, потврдија дека немало нерегуларности. За останатите шпекулации нема потреба да коментираме“, стои во соопштението на Реал.

Германскиот весник „Дер Шпигел“ објави информации од „фудбал ликс“, според кои се тврди дека Рамос користел средства кои можат да се употребат само доколку УЕФА го дозволи тоа и ако е навремено информирана.

„Фудбал ликс“ повторно напаѓа. Германскиот таблоид, „Дер Шпигел“ објави информации од „фудбал ликс“ во врска со Серхио Рамос. Имено, капитенот на Реал Мадрид бил позитивен на допинг тест по финалето во Лигата на шампионите во 2017 година, во кое Реал го совлада Јувентус со 4-1.

Шпанецот бил позитивен на дезаметозан, супстанца која може да се користи само ако УЕФА е навремено информирана, а од медицинскиот тим на „кралевите“ не обавестиле навреме. Шефот на медицинскиот тим целосно ја презеде одговорноста за овој пропуст, па УЕФА одлучила да им прости на Реал и на Рамос, и да не покрене дисциплинска постапка.

За работите да бидат уште полоши, ваков сличен пропуст се случил и во февруари 2017 година. „Фудбал ликс“ тврди дека во таборот на Реал требало да има „случајно“ тестирање во тренинг центарот на клубот, по што настанала тензија меѓу играчите, па тестирањето било направено од страна на медицинската екипа на Реал, што е против правилата на УЕФА.