Без наслов - Страница 9928

Хрватска треба да го избрише срамот против Шпанија

-

15.11.2018

Хрватска треба да го избрише срамот против Шпанија

Последниот дел од групната фаза во Лигата на нациите започнува вечерва. Некои од селекциите се со мотив да стигнат или да го задржат првото место и да го продолжат походот кон патот на Европското првенство 2020 година, а други да не испаднат од сегментот во кој се наоѓаат сега.

ХРВАТСКА – ШПАНИЈА (20.45 ч.)

Летоска Хрватите го постигнаа најголемиот успех во историјата и стигнаа до среброто на Светското првенство во Русија. Сепак, само неколку месеци подоцна, односно во септември, на гостувањето во Елче против Шпанија го доживеа најголемиот пораз. „Коцкестите“ беа демолирани со 6-0 во меч од Лигата на нации.

Сега, Модриќ, Ракитиќ, Перишиќ, Брозовиќ, Ребиќ и останатите ќе се обидат да ѝ се реваншираат на „црвената фурија“, макар тоа било и минимална победа. Кога игра Шпанија, секогаш се очекуваат голови, па и вечерва не би било ништо поинаку.

Предлог тип: Х2&2-4 (2.20)

АВСТРИЈА – БОСНА И ХЕРЦЕГОВИНА (20.45 ч.)

Босна и Херцеговина е со максимални девет бода и доколку успее да остане непоразена на гостувањето во Виена, сигурно ќе биде прва во групата и ќе продолжи во нокаут-фазата за пласман на ЕП 2020 година. Иако ќе игра на гостински терен, БиХ очекува да има голема поддршка од трбините, бидејќи во Австрија има многу дојденци токму од оваа земја.

На фудбалски план, во досегашните четири меѓусебни средби секогаш било неизвесно и немало повеќе од два гола, но фактот дека за двете селекции е да се биде или не, ветува дека треба да има погодоци.

Предлог тип: 1Х&ГГ (2.55)

БЕЛГИЈА – ИСЛАНД (20.45 ч.)

Дека се работи за една од најквалитетните селекции во светот, Белгија потврди и со третото место на Мундијалот во Русија. „Црвените ѓаволи“ имаат генерација за која се верува дека може да освои и злато на некое од следните големи натпреварувања.

Исланд е тим кој нема што да бара во група со Белгија и Швајцарија, а тоа го потврдија и со примените 11 погодоци на досегашните три средби. Главна задача на „рибарите“ на ова гостување ќе биде да се обидат да ја сочуваат мрежата да се тресе што е можно помалку. Во последните две и пол години, Белгија единствениот пораз го има од Франција во полуфиналето на СП.

Предлог тип: T1 1+I&T1 3+ (2.10)

ЛУКСЕМБУРГ – БЕЛОРУСИЈА (20.45 ч.)

Директен дуел на две селекции кои, исто како и Македонија, мечтаат дека преку Лигата на нациите може да играат на ЕП 2020. Белорусија го доби дуелот на свој терен со 1-0, но „џокерот“ е за Луксембург, кој доколку вечерва на свој терен победи, сигурно е прв.

Овие две селекции имаат одиграно дури 11 средби и неверојатен е фактот дека дури 10 пати завршувале со 0-2 гола. Единствениот пат кога имало повеќе од два гола е во 2007 година и било 2-1 за Белорусија.

Предлог тип: 0-2 (1.53)

ГРЦИЈА – ФИНСКА (20.45 ч.)

Финска и Грузија се единствените перфектни селекции во Лигата на нациите бидејќи ги имаат сите победи и немаат примено ниту еден гол. Финска само теоретски треба да го обезбеди првото место во групата. Грција секогаш играла дефанзивно, а фактот дека и на Финска најдобрата страна ѝ е одбраната, не се очекуваат многу голови.

Предлог тип: 1Х&0-3 (1.47)

Со прстен од 8 милиони евра Роналдо ја побара Георгина за жена

Останати

Трајан Маневски

-

15.11.2018

0

Кристијано Роналдо ја побара својата девојка Георгина Родригес за жена, а таа се согласила. Португалскиот фудбалер и шпанската убавица сега треба да планираат венчавка, откако Роналдо со прстен вреден осум милиони евра ја побарал раката на Георгина. Романтичниот момент се случил додека парот бил на краток одмор во Лондон.

Роналдо и Георгина се сретнаа прв пат во дуќан на „Гучи“ во центарот на Мадрид во јуни 2016 година и оттогаш се заедно. Таа му роди и ќерка, која го носи името Алана Мартина. Роналдо има уште три деца, но тие се од сурогат мајки.

Руни вечерва се простува од „Гордиот Албион“, и тоа како капитен

Златко Јуруковски

-

15.11.2018

0

Вејн Руни на вечерашниот пријателски меч помеѓу Англија и САД ќе го одигра својот 120-ти и последен натпревар во дресот со бројот 10 на репрезентацијата. Хари Кејн, кој го носи дресот број 10, му рекол на селекторот Герет Саутгејт дека е глупаво Руни да добие друга бројка и му ја отстапи, па во стартниот тим еден играч на грбот ќе мора да има поголем број од 11.

Според сценариото, тој ќе влезе во игра во второто полувреме, кога ќе му биде предадена и капитенската лента од страна на Фабијан Делф, кој ќе биде капитен на подмладениот тим. Пред мечот, на Руни и неговите четири деца ќе им биде направена чест.

Руни, кој има 33 години, а во моментов игра за ДЦ јунајтед од Вашингтон, е прв стрелец во историјата на „Гордиот Албион“ и заслужи да биде испратен од полниот „Вембли“. Поранешниот играч на Евертон и Манчестер јунајтед има 53 гола на 119 меча за репрезентацијата. За малку нема да го урне рекордот на голманот Питер Шилтон од 125 настапи.

Откако ќе ги добие почестите, Руни ќе ја напушти репрезентацијата и нема да биде дел од тимот кој ќе игра в недела против Хрватска, во важен меч од Лигата на нациите.

Куња: Ривер – Бока не ми е притисок, туку мотив

Златко Јуруковски

-

15.11.2018

0

Уругвајскиот судија Андрес Куња ја доби довербата да дели правда на реваншот од финалето на Копа Либертадорес помеѓу лутите аргентински и градски ривали Ривер платe и Бока јуниорс. Тој вели дека не чувствува притисок, туку мотив.

„Не е лесно да се биде судија на почетокот, бидејќи не знаете со што ќе се соочите. Моите први пет меча во кариерата беа катастрофа. Не чувствивам притисокот, пулсот не ми е забрзан. Сум судел и на поголеми стадиони со поголем притисок, но такви работи само ме мотивираат“, вели 42-годишниот Куња, кој е мераклија за користење на ВАР и на дуелот Франција – Австралија на СП во Русија прв побара помош од видеотехнологијата.

Куња во 2012 година го избриша профилот на „Фејсбук“ бидејќи добивал закани. Според анкетите, половина се согласуваат со изборот на Куња за судија, а остантите се поделени помеѓу против и сеедно им е.

Најважниот меч во историјата на аргентинскиот клупски фудбал е закажан за 24-ти ноември, на стадионот „Монументал“. Победникот ќе биде првак на Јужна Америка. Ако заврши нерешено, без разлика со кој резултат (за финалето не важи правилото повеќе голови на гости), ќе се играат продолженија.

Виери веќе е диџеј кого го барааат многу ноќни клубови (Видео)

Останати

Трајан Маневски

-

15.11.2018

0

Еден од најдобрите италијански напаѓачи во последните две децении, Кристијан Виери, реши целосно да се тргне од фудбалот и да се фокусира на работа која нема допирна точка со топката. Голгетерот, кој во 2009 година ја заврши играчката кариера, сега се фокусира на тоа да стане светски познат диџеј. Популарниот Бобо реши да открие од каде му е идејата за оваа работа.

„Мојот пријател Андреа, кој поголемиот дел од животот пушта музика во клубовите низ Италија, секогаш ме тераше да започнеме заедно да работиме. Јас постојано го одбивав, бидејќи немав осет кога е вистинскиот момент. Минатото лето додека бев на одмор на Ибица, решив дека сакам да бидам диџеј. Мислев дека не е добра идеја сам да настапувам, па го создадов Бобо-шоу. Имам и музички продуцент и пејачка. Ја пуштаме музиката која ја сакаме и постојано добиваме повици за настап низ Италија, но и надвор од земјата“, откри Виери.

ПРОГНОЗИРАЈ: Дали Италија е посилна од Португалија?

Трајан Маневски

-

15.11.2018

0

Италија е огромен фаворит против Португалија, ако се гледаат досегашните дуели на овие две селекции. Вкупно играле 26 пати, а „аѕурите“ се радувале на 18 меча. Португалија била поуспешна шест пати, а само два дуели завршиле без победник. И гол-разликата повеќе од двојно е во корист на Италија (51:23).

Сепак, дека не треба да се живее во минатото, се потврди на последните два натпревари на овие селекции. Пред два месеци Португалија на свој терен победи со 1-0, а ист беше резултатот и пред три години на неутрален терен. Португалија е актуелен европски првак, а Италија е селекција која не успеа да се пласира на завршницата на Светското првенство во Русија.

Ако Италија сака да ги задржи шансите за прво место во групата и преку Лигата на нациите да бара пласман на ЕП 2020, ќе мора да победи на дуелот кој се игра в сабота, на „Џузепе Меаца“ во Милано. Португалија во текот на сите мечеви од Лигата на нациите е без капитенот и најдобриот играч Кристијано Роналдо.

Покрај ова дерби од Сегментот А во Лигата на нациите, има уште неколку возбудливи дуели кои се вметнати во петтото коло од Спортска прогноза. Играјте и прогнозирајте на понудените 12 дуели за овој викенд.

По успешната прогноза ќе ви се прикажат вашите типувања. Сите прогнози за тековното коло, вклучувајќи ја и вашата, можете да ги погледнете тука.

Вардарци преку Истанбул заминаа за Каталонија

Златко Јуруковски

-

15.11.2018

0

Екипата на Вардар во комплетен состав утринава замина за Барселона, каде што в сабота треба да го одигра натпреварот од осмото коло на Лигата на шампионите против Барса.

Составот од 16 ракометари замина за Истанбул, од каде што потоа продолжува за Барселона. Во експедицијата се наоѓаат: Дибиров, Војводиќ, Борозан, Дисингер, Скубе, Карачиќ, Криштопанс, Кисељев, Чупиќ, Шишкарев, Поповски, Стоилов, Калараш, Мишевски, Милосављев и Гедбан.

Екипата ќе има и два тренинга во Барселона, денеска попладнево и утре. Дуелот со Барселона е закажан за в сабота, од 19 часот и тоа ќе биде шанса за реванш по поразот викендов во „Јане Сандански“.

На Швајцарија не ѝ требаше контролата со Катар

Златко Јуруковски

-

15.11.2018

0

Синоќешната победа на Катар од 1-0 на гостувањето кај Швајцарија е едно од најголемите изненадувања во историјата на фудбалот, доколку се гледа рангирањето на ФИФА-листата. Катарците се 96-ти на листата, а Швајцарците осми.

Швајцарија веројатно сакаше да си ја чува силата за важното соочување со Белгија од Лигата на нациите, па несериозно го сфати пријателскиот меч со наредниот домаќин на СП. Но, со голот што го даде Афиф во 86-тата минута, Швајцарија е голем губитник.

Швајцарците дома немаа загубено од 2016, имаа 10 победи и едно реми во последните 11 меча и сега, по киксот, загубија 7,93 поени од рангирањето на ФИФА, што е најмногу за една селекција по контролен меч откако постои овој систем на бодување.

Во историјата на фудбалот, гостинска победа со најголема разлика на рангирањето има остварено Грузија во 2016 година, кога славеше кај Шпанија. Тогаш Грузија беше 137-ма на ФИФА-листата, а Шпанија беше шеста. Разликата меѓу Катар и Швајцарија е 88 места, и тоа е четврто најголемо изненадување.

За Нуркиќ, Леброн Џејмс е обичен плачко (Видео)

Трајан Маневски

-

15.11.2018

0

Леброн Џејмс го одигра најдобриот меч во дресот на Лос Анџелес лејкерс постигнувајќи 44 поени и го предводеше тимот до победа над Портланд. На овој меч, Џејмс стигна до петтото место на вечната листа на стрелците во НБА.

И покрај тоа што целата сала скандираше „МВП, МВП“, играчот на Портланд, Јусуф Нуркиќ, има сосема друго мислење за Џејмс. Во еден напад, противничките играчи само со влечење успеаја да го сопрат Џејмс, кој падна на подот. Веднаш потоа Нуркиќ гестикулираше како Леброн плаче и затоа паѓа.

За многумина, Леброн е еден од најдобрите на сите времиња, а за Нуркиќ е само плачко.

https://youtu.be/M9LCKYNL9iA

Роналдо се луксузира низ Лондон, го нарачал најскапото вино на светот

Златко Јуруковски

-

15.11.2018

0

Кристијано Роналдо со неговиот син и девојката Георгина Родригес го гледаа балетот „Бајадера“ во Ројал Опера хаус во Лондон, а потоа заминаа во ексклузивен ресторан, каде што само за 15 минути со своето друштво, потрошија 31.000 евра само за вина. Роналдо и девет години помладата Георгина биле расположени бидејќи нивната ќерка Алана Мартина пред некој ден наполни една година.

Според таблоидот „Сан“, најпрвин нарачале едно шише од француското виното „Ришбур гран кру“, а цената на ова шише вино е 20.000 евра и се смета за најскапо на светот. Тоа вино од бербата од 1979 година е толку ретко, што го нема во менијата, туку им се нуди само на специјални гости со длабок џеб. Малку подоцна било нарачано уште едно шише, но од оние „поефтините“, „Померол Петрус“ од 1982 година, кое чини 10.000 евра.

Роналдо и Георгина во Лондон гледаа и тенис, мечевите од завршниот АТП-турнир, а престојуваат во хотелот „Булгари“, каде што една ноќ чини повеќе од 10 илјади евра.