Без наслов - Страница 9930

И коефициентот сам кажува, Македонија ќе победи

Трајан Маневски

-

14.11.2018

Македонската фудбалска репрезентација како никогаш досега има шанса да се обиде да стигне до завршницата на Европско првенство. Остануваат уште мечевите против Лихтенштајн на гости и против Гибралтар во Скопје за да се остане на првото место во групата, а со тоа да се избори место во полуфиналето од плејофот за пласман на ЕП 2020 година.

Македонија в петок гостува кај Лихтенштајн, а на 19-ти овој месец на арената „Филип Втори“ ќе финишира групната фаза од Лигата на нациите. Сите во „црвено-жолтиот“ состав се оптимисти.

„Сигурен сум дека секој од нас ќе го даде најдоброто од себе за да ја оствариме целта и да победиме против Лихтенштајн. Мораме да бидеме трпеливи и концентрирани, а тогаш ќе дојдат до израз нашите квалитети. Во Скопје одигравме одлично, но тој резултат не смее да не залажува бидејќи Лихтенштајн сигурно ќе сака да го поправи впечатокот пред домашната публика. Свесни сме за важноста на натпреварот и треба да одиграме тактички добро и организирано. Во добра позиција сме, но, секако, треба да бидеме внимателни, концентрирани и со дисциплина во играта за да ги искажеме нашите квалитети на теренот во Вадуц. Мотиви и желба не недостасуваат. Напротив, пред оваа генерација е голема прилика да обезбеди место на Европското првенство. Сами решаваме за нашето место во групата и одиме да победиме”, изјави македонскиот репрезентативец Енис Барди.

Токму Лихтенштајн е селекцијата против која Македонија има најмногу победи. Во осум меѓусебни средби, нашата селекција се радувала седум пати, а еден дуел заврши нерешено.

Вака се станува навивач од мали нозе (Видео)

Трајан Маневски

-

14.11.2018

0

Бока јуниорс не успеа да дојде до предност по првиот меч во финалето против Ривер плате, откако одигра 2-2 на домашен терен, во борбата за трофејот во Либертадорес купот. И покрај тоа што не победи, навивачите на Бока направија фантастична атмосфера, а посебно плени како ги „заразуваат“ децата од најмали нозе да го засакаат клубот.

Селекцијата до 19 години ја запре Хрватска, ЕП не е само сон

Златко Јуруковски

-

14.11.2018

0

Репрезентацијата на Македонија за фудбалери до 19 години одигра задоволителни 1-1 против Хрватска во првиот меч на квалификацискиот турнир во чешкото гратче Кромержиж. Ова е прва фаза од квалификациите за ЕП 2019 во Ерменија.

Избраниците на селекторот Горан Станковски поведоа во 11-тата минута со голот на Дарко Чурлинов, а потоа му ја препуштија иницијативата на противникот. Хрватите напаѓаа јалово, но во 55-тата минута со погодокот на Шутало, кој даде гол со глава по нафрлувањето од корнер, изедначија на 1-1.

Во 66-тата минута, еден хрватски дефанзивец играше со рака во својот 16-ник, но судијата не досуди пенал за Македонија, туку му додели жолт картон на Колевски за приговор.

На 17-ти ноември, „црвено-жолтите“ играат со домаќинот Чешка, а на 20-ти ноември е последниот и најлесен, но можеби и клучен, дуел со Луксембург. Во елитната фаза од квалификациите на УЕФА одат двете најдобри од групата и затоа бодот против Хрватска може да биде многу вреден.

Реал Мадрид го договори првото зимско засилување

Томас Ѓорѓиевски

-

14.11.2018

0

Езекиел Паласиос ќе биде првото зимско засилување на Реал Мадрид. Европскиот шампион ги договори условите на трансферот на талентираниот Аргентинец од редовите на Ривер платe, ќе платат отштета во вредност од 20 милиони евра.

Паласиос веќе се согласил на петгодишен договор со „кралевите“, а официјално ќе биде нов член на клубот од јануари 2019 година.

Гигантот од Мадрид продолжува со својата политика на трансфери, да купува млади таленти ширум светот, како што беше во случајот со Винисиус Жуниор од Фламенго, за кого Реал плати 45 милиони евра.

Мбапе не верува во ПСЖ

Златко Јуруковски

-

14.11.2018

0

Во Франција немаат конкуренција, но во Европа тешко им оди и затоа Килијан Мбапе изјави дека неговиот клуб Пари Сен Жермен уште не е сериозен кандидат за титулата во Лигата на шампионите, иако се движи во правилна насока.

Од 2011 година наваму, катарските сопственици на ПСЖ потрошија многу пари за засилувања, но резултат има само во домашната лига. Во ЛШ, во последните две сезони, „светците“ испаднаа уште во осминафиналето, додуша од гигантите Барселона, односно Реал Мадрид. Сезонава, ПСЖ е во најтешката група и моментно е трет, зад Ливерпул и Наполи.

„Клубот постојано напредува откако дојдоа катарските сопственици, а крајна цел е освојување на Лигата на шампионите. Ако секој си ја игра својата улога, скала по скала, ќе се искачиме до врвот. Со потенцијалот што го имаме, тоа ќе биде реалност во иднина“, рече Мбапе, кој со клубот е од 2017, кога дојде и Нејмар.

„На почетокот имавме јазични бариери, не знаевме англиски, тој не знаеше француски, сега е добро“, додава Мбапе.

Челзи под лупата на ФИФА – Му се заканува ново трансфер-ембарго

Томас Ѓорѓиевски

-

14.11.2018

0

Фудбалскиот клуб Челзи повторно е под истрага од страна на ФИФА. Клубот од Лондон се соочува со големи проблеми откако од „Фудбал ликс“ излегоа нови информации според кои се тврди дека „сините“ купиле 14 малолетни играчи надвор од Англија, што е спротивно од правилата на светската фудбалска куќа.

Најголем акцент се става на трансферот на Бертран Траоре, сегашниот член на Лион, кој во редовите на Челзи пристигнал како шестнаесетгодишен тинејџер. Траоре бил регистриран како фудбалер на Челзи откако станал полнолетен, но, според документите на „Фудбал ликс“, тие го купиле уште пред својот 18-ти роденден, за неговите услуги исплатиле одредена сума, додека тој во неколку наврати настапил за младинскиот тим.

По неколку негирања, клубот од Лондон призна дека со помош на мајката на Траоре го договориле тој ангажман кога тој имал 15 години, што е недозволиво, освен во посебни случаеви. Токму поради ова, на Челзи сега му се заканува ново трансфер-ембарго од две години, поточно четири преодни рокови, што би било голем проблем за екипата која конкурира за врвот во Премиер лигата.

И претходно се соочуваа со вакви проблеми. Челзи во 2009 година доби забрана за купување нови играчи поради нелегално ангажирање на францускиот фудбалер Гаел Какута, кој подоцна не ги докажа своите таленти и незабележливо го напушти „Стемфорд бриџ“.

Атракција – Браќата Бол денеска од 18 часот во „Градски парк“

Златко Јуруковски

-

14.11.2018

0

Кошаркарскиот клуб Работнички на својата страница на „Фејсбук“ објави дека денеска, од 18 часот, во салата „Градски парк“ ќе се појави екипата на JBA USA (Јуниорска кошаркарска асоцијација), а во составот, покрај други големи потенцијали од САД, ќе бидат и двајца членови на познатото спортско семејство Бол.

Тие се гости на нашиот првак, а од Работнички ги повикаа заинтересираните да дојдат од 18 часот и да уживаат во мајсториите на браќата Ламело и Лиaнџело Бол, кои со својот талент претендираат да станат кошаркари во НБА-лигата како нивниот брат Лонзо, кој е член на ЛА лејкерс. Тие настапуваа во литвански тим. Атрактивните Американци во Скопје доаѓаат како дел од големата турнеја на JBA USA низ светот.

Влезот е слободен.

Фотошоп или не? Фелаини со кратка коса

Златко Јуруковски

-

14.11.2018

0

Маруан Фелаини ги шокираше сите со фотографијата на која ја претстави новата фризура и веднаш стана цел на шегување од страна на неговите соиграчи од Манчестер јунајтед и фановите.

Ерик Бејли искоментира: Неееееее! Винсан Компани, кој му е сонародник, напиша дека не е можно тоа што го видел и дека мора да станува збор за фотошоп.

Фелаини, чиј заштитен знак беше косата како „грмушка“, реши да ја скрати во пресрет на неговиот роденден на 22-ри ноември. Многумина за првпат во гледаат во вакво издание, затоа и шокот е голем. Како ова ќе се одрази врз неговата форма, останува да се види во наредниот период.

Елмас е фудбалер со најмногу претрчани километри во Фенербахче

Златко Јуруковски

-

14.11.2018

0

Македонскиот репрезентативец Елиф Елмас е играч кој најмногу трча во тимот на Фенербахче и тоа е еден од одговорите на прашањето зошто тренерите го сакаат и редовно го ставаат во почетниот состав.

На петте меча во турската Суперлига на кои играше по 90 минути, Елмас има просек од 12 претрчани километри. И позицијата на којашто игра наложува да има многу трчање, да ја држи средината и да помага и во нападот и во одбраната, а Елиф ја оправдува довербата на холандските тренери.

Второто место го држи Михаел Фрај со 11,8 километри по меч. Младиот Македонец е модерен играч кому очигледно е дека физичката подготовка му е на високо ниво. На последните три меча, два во домашната лига и еден во Лигата на Европа, без проблем играше цело време по 90 минути. Освен тоа што многу трча, Елмас е прецизен и во додавањата. Има 87 проценти успешност при пасовите до соиграчите и тука е втор во Фенер, зад дефанзивецот Роман Нојштетер со 88.

Младите заминуваат за Црна Гора

Златко Јуруковски

-

14.11.2018

0

Македонската репрезентација до 21 година денеска заминува за Подгорица, Црна Гора, каде што ќе одигра два контролни натпревари, против Србија на 16-ти ноември и против домашната селекција три дена подоцна.

Давор Здравковски вели дека оваа нова генерација има голем потенцијал, а двата контролни натпревари во главниот град на Црна Гора се добра прилика за докажување.

„Иако ова е нова генерација, одлично се познаваме и веруваме во своите квалитети. Во тимот има голем потенцијал, најважно е што кај сите во тимот има желба и мотивираност за докажување и сите посакуваме да одиграме два добри натпревари. Противниците се квалитетни и иако на некој начин ова се резултатски и не толку важни пресметки, сепак сите излегуваат да одиграат и на резултат. Верувам дека ќе одиграме цврсто, дисциплинирано и се надевам на почеток на низа позитивни резултати“, изјави Здравковски.

Милан Ристовски вели дека секој меч е важен и нова шанса за докажување.

„Значајно е сите да ја сфатат сериозноста на подготовките и натпреварите бидејќи секој позитивен резултат е битен за овој тим. Ако одиграме според договореното, мислам дека можеме до позитивни резултати. Ни треба еден континуитет пред новите квалификации и мораме да бидеме максимално сериозни“, рече Ристовски.