Ливерпул е феномен во Премиер лигата и единствен клуб од постоењето на овој формат на англиското првенство од 1992 година што четири сезони по ред првиот меч во сезоната го игра против клуб што е тазе прволигаш.
Ждрепката за новиот циклус натпревари во сезоната 2022/23 им одреди да му гостуваат на Фулам на 6 август во првото коло, а така беше и во претходните три сезони, кога за старт на првенството Ливерпул добиваше екипи кои се нови премиерлигаши.
Почна со дуелот со Норвич во првото коло од сезоната 2019/20, па против Лидс следниот циклус, па повторно со Норвич и сега со Фулам.
4 – Liverpool are the first team in top-flight history to face a newly promoted side in their first league game of the season in four consecutive seasons (Norwich in 2019-20, Leeds in 2020-21, Norwich in 2021-22, Fulham in 2022-23). Favourable.
— OptaJoe (@OptaJoe) June 16, 2022
Ждрепката како да е нарачана за Ливерпул, единствената екипа што четири сезони по ред го почнува англиското првенство со дуел против еден од новаците во Лигата.
Ако се повтори историјата, Фулам го чека старт со пораз бидејќи Ливерпул ги доби сите три стартни дуели во последните три сезони.
Двапати го победуваше Норвич, со 4:1 и потоа со 3:0 во првото коло, а славеше и против Лидс во премиерата преклани со 4:3.
