Горан Пандев не се најде на списокот од 24-ицата фудбалери на Џенова кои вечерва ќе гостуваат кај Јувентус, во мечот од рамките на осминафиналната рунда во Купот на Италија.
Тренерот Давиде Балардини освен нашиот искусен офанзивец, во составот ќе ги нема првиот голман Матија Перин, како и искусниот дефанзивец Кристијан Запата.
Околу отсуството на Пандев се чини дека се работи за ослободување на обврски бидејќи не е пријавена никаква повреда кај капитенот на Македонија.
🔴🔵📝 L’elenco dei convocati per #JuventusGenoa di Coppa Italia. pic.twitter.com/UrpDT5X4WU
— Genoa CFC (@GenoaCFC) January 12, 2021
Дуелот Јувентус – Џенова е закажан за терминот од 20:45 часот на „Алијанц стадионот“ во Торино.
