Шест пара патики кои легендарниот Мајкл Џордан ги носеше на натпреварите во кои освојуваше НБА-титули во 1990-тите години се продадени за осум милиони долари на аукција која се одржа во Њујорк, објави аукциската куќа „Сотби“.
„Рекордната сума платена за патики е оддавање почит на најдобриот на сите времиња. Овој момент не може да се спореди со ништо во историјата на аукциите, а продажбата на шест пара патики во кои се освојувани титули најверојатно нема да се повтори“, изјави Брам Вачер од „Сотбис“.
Michael Jordan’s six NBA Championship clinching Air Jordan sneakers just sold for $8 MILLION in a @Sothebys auction 😳💰 https://t.co/tm4yGhuhZw pic.twitter.com/sR4J0PnX4j
— Nice Kicks (@nicekicks) February 2, 2024
Сепак, ова не е најскапо продадена меморабилија на Џордан, рекордот го држи дресот кој летечкиот Мајкл го носеше на првиот натпревар од неговото последно НБА-финале во 1998 година, кој е продаден за 10,1 милиони долари.