Тимот на Нешвил брзо закрепна од дебклот на Сент Луис (6-2), па со слична мера настрада Анахејм дакс. „Предаторите“ триумфираа со 5-2, за вкупно 17-та победа, пред сè благодарение на Остин Вотсон со неговиот хет-трик.
Дилемите беа решени во последниот период, Нешвил прво искористи ситуација со играч повеќе за предност од два гола, а потоа Вотсон го забележа третиот гол погодувајќи празен гол.
Со идентичен резултат победија Тампа беј лајтнинг и Лос Анџелес кингс. Тампа беј ја реши средбата против „ѓаволите“ од Њу Џерси уште по првиот период кој го освоија со 4-1, додека „кралевите“ од ЛА во финишот го скршија отпорот на „нафташите“ од Едмонтон.
Калгари флејмс ја остварија единствената победа на гостинските екипи ноќеска, и тоа со убедливи 6-1 го совладаа тимот на Аризона којотс.
