Фудбалерите на Барселона со минимални 0:1 славеа на гостувањето кај Жирона во рамки на 19-то коло во Ла Лига.
Со триумфот, Барселона барем до утревечер му избега на Реал Мадрид на шест бода на табелата.
Барселона со новиот триумф кај локалниот ривал сега има 47 бода, додека второпласираниот Реал Мадрид има 41, но утре го чека дерби пресметката со третопласираниот Реал Содиедад.
PEDRI IS MAKING HIS 100TH APPEARANCE!
👏👏👏👏👏👏👏👏 pic.twitter.com/Gtf6NAb4Dy— FC Barcelona (@FCBarcelona) January 28, 2023
Херој на Барселона беше Педри кој на најдобар начин го одбележа 100-тиот настап за каталонскиот тим. Педри денеска по 67 пат играше за Барселона во Ла Лига, а исто така има одиграно и 14 натпревари во Лигата на шампионите, осум во Кралскиот куп, шест во Лигата на Европа и пет во шпанскиот Суперкуп.
Голот вреден три бода, Педри го постигна во 61-та минута, откако голманот на домаќините, Газанига, лошо интервенираше и ја пропушти топката која во петерецот ја уфрли Жорди Алба, по што на младиот фудбалер на Барселона не му беше тешко да ја смести во празната мрежа.
🎥 FC Barcelona Goal
⚽️ Pedri
— Barça Spaces (@BarcaSpaces) January 28, 2023
