Педро Родригез имаше неславен крај во дресот на Челзи. Шпанецот помина пет сезони во дресот на лондонскиот тим, се радуваше на титула во Премиер лигата, во ФА Купот и Лигата на Европа, но на крајот заврши со пораз. Неговиот Челзи загуби од Арсенал во финалето на ФА Купот, а Педро се повреди буквално во последните секунди од мечот.
По една акција, напаѓачот незгодно падна во шеснаесетникот на Арсенал и потоа мораше да биде изненсен на носилки. Заработи повреда на рамото поради која мораше да замине и на операција. Педро беше успешно опериран и сега закрепнува.
„Операцијата помина добро и наскоро ќе се вратам. Жал ми е што не го освоивме трофејот во ФА Купот. Ви благодарам на поддршката“, напиша Педро на својот инстаграм профил.
Според најавите, Педро кариерата ќе ја продолжи во Рома, но сигурно дека и да потпише за Римската волчица, нема да биде подготвен за стартот на сезоната.
